Törek matbuğatına küzätü 04.07.2014

4 nçe iyül könne basılıp çıqqan qayber törek gazetlarına küzätü

Törek matbuğatına küzätü 04.07.2014

“Yäni Şafak”gazetı “Qaytu şatlığı” isemle xäbärendä Ğiraq Dimäşq İslam däwläte oyışması tarafınnan urlanğan 32 törek şoferınıñ irekkä cibärelüe turında yaza.


Gazet şoferlarnıñ oçqıç belän Törkiyägä kiterelüen, ğailäläre belän oçraşuda bik dulqınlanuların belderä.


“Yäni Şafak”gazetı “Genotsid yörüe” isemle xäbärendä Bosniya Gertsegovinanıñ Srebrenitsa qalasında serb köçläre tarafınnan başqarılğan genotsidnıñ 19 yıllığı uñayınnan yörülär başlanuın xäbär itä.


Gazet iskä alu çaraları qısasında tağın 175 qorbannıñ 11 nçe iyüldä cirlänäçägen , iñ keçkenä şähitneñ 14 yäşlek Senad Beganoviç buluın citkerä.


“Vatan”gazetı “1 atnada 5 meñ süriyäle” isemle xäbärendä soñğı 1 atna eşçendä yaqınça 5 meñ süriyäleneñ Törkiyägä kilüen belderä.


Gazet illärendäge watandaşlar suğışınnan qaçıp Törkiyägä sıyınuçı süriyälelär sanınıñ Ramazan ayında tağın da artuın citkerä.


“Star”gazetı “Cansuyu”cämğiyätennän 30 ilgä yärdäm” isemle xäbärendä Törkiyäneñ “Cansuyu” yärdämläşü cämğiyäteneñ Ramazan ayı mönäsäbäte belän 30 ilgä yärdäm materialı cibärüen uquçıları belän urtaqlaşa.


Gazet çit illärgä yärdäm cibäreläçäk illär arasında uzğan yıl qorılıq küzätelgän Afrika illäreneñ berençe urında toruın belderä.


“Xörriyät” gazetı “Awrupanıñ qaraşı biregä töbälgän” isemle xäbärendä İstanbulda urnaşqan Medipol universitetınıñ meditsina fakultetına bäyle regeneratsiya häm torğızu tikşerenüläre üzägeneñ Törkiyäneñ vizual tarmaqtağı iñ möhim tikşerenü üzäge bularaq alğı planğa çığuı turında yaza.


Gazet küp sanlı laboratoriyäne üz eçenä alğan älege üzäkneñ dönya külämendäge isemlektä baştağı urınnarda urnaşuın citkerä.


Xäbärdä şulay uq Medipol universitetında xalıqara meditsina fakultetı açıluın , ingliz telen belüçe uquçı yäşlärgä törek telen belmiçä dä biredä belem alu mömkinlege tudırıluın belderä.


Etiketlar:

Bäyläneşle xäbärlär