Törek matbuğatına küzätü 02.07.2014

2nçe iyül könne basılıp çıqqan qayber törek gazetlarına küzätü

Törek matbuğatına küzätü 02.07.2014

“Akşam” gazetı “Güzal yulçılıq” dip atalğan yazmasında “Ğadälät häm qalqınu” partiyäseneñ İlbaşı namzäten açıqlawın yaza. Yazmada Ankarada oyıştırılğan zur külämle tantanada çığış yasawçı İlbaşı namzäte Ärdoğannıñ: “Güzäl säyäxätkä äzerlänäbez. Xalıq saylayaçaq ilbaşı häm xalıq saylap alaçaq premyer-ministr Törkiyäne oçırtaçaqtır”, - dip äytkän süzläre citkerelä.

“Sabah” gazetınıñ “Totrıqlılıqqa tulı yaqlaw” isemle yazmasında isä İlbaşı namzätlegen açıqlağan Premyer-ministr Räcäp Tayyip Ärdoğanğa eş dönyasınnan tulı yaqlaw belderelüen yaza häm eş dönyası wäkilläreneñ: “Törkiyädä iqtisadi totrıqlılıq däwam itäçäk”, - dip fikerlären citkerüen assızıqlıy.

“Yäni Şafak” gazetı Premyer-ministr Räcäp Tayyip Ärdoğannıñ İlbaşı namzäte bulıp açıqlanuınıñ xalıqara matbuğatta kiñ yañğıraş tabuın yaza.

“Star” gazetı “İzraildän Ğazzägä kümäk cäzalaw” dip atalğan yazmasında İzrailneñ Könbatış Yordan üzänlegeneñ Äl Halil şähärendä 3 yähüd yäşüsmereneñ ülgän kileş tabıluınnan soñ höcümnän “Hamas” häm Fälästinnı cawaplı totuın häm töne buyı Ğazzägä oyıştırılğan höcümnärdä 1 keşeneñ ülüen, 4 keşeneñ yaralanuın xäbär itä.

“Star” gazetı “AQŞlılar “Turkish delight”nı (törek raxat-lukumnı) bik yarattılar” isemle yazmasında Törkiyäneñ tatlı äyberlär tarmağınıñ 29nçı iyün belän 1nçe iyül könnärendä Amerika Quşma Ştatlarında oyıştırılğan “Summer Fancy Food” yärminkäsendäge uñışlı eşçänlegen anlata.

“Akşam” gazetı “Türksat 4A iyärçene xezmät birergä äzer” isemle yazmasında küçär sınawları uñışlı tögällängän Türksat 4A elemtä iyärçeneneñ xezmät birä başlawın xäbär itä. Gazet 14nçe iyülne 15nçe iyülgä totaştırğan tönne iyärçennärdäge televideniye häm radio tapşırularında yışlıqlarnıñ üzgäräçägen iskärtep uza.


“Milliyät” gazetı sport säxifäsendä atqamenärçelektä Törkiyä cıyılma komandasınıñ İtaliyanıñ Arezzo qalasında ütkärelgän Millätlär kuboğında ikençe urınnı yawlawın xäbär itä.


Etiketlar:

Bäyläneşle xäbärlär