Törek matbuğatına küzätü 01.07.2014

1 nçe iyül könne basılıp çıqqan qayber törek gazetlarına küzätü

Törek matbuğatına küzätü 01.07.2014

“Yäni Şafak” gazetı “Meşal belän telefonnan söyläşte” isemle xäbärendä Hamas säyäsi byuro şefı Halid Meşalnıñ Törkiyä tışqı eşlär ministrı Äxmät Dawıtoğluna şaltıratıp, İzrailneñ Ğazzä häm Yordannıñ könbatış üzänlegendäge operatsiyälär xaqında mäğlümat birüe turında yaza.


Gazet Meşalnıñ Dawıtoğlunnan İzrailneñ höcümnären tuqtatu öçen xalıqara cämğiyätneñ eşkä kereşüen häm Ğazzädäge embargonı beterüne taläp itüen citkerä.


“Vatan”gazetı “Rodoslılar mäktäpneñ açıluın teli” isemle xäbärendä Ğosmanlı imperatorlığı yaqınça 400 yıl xökem sörgän Rodosta yäşäwçe möselmannarnıñ 42 yıl elek restavratsiya başqaru nigeznamäse belän yabılğan Törek mäktäbeneñ qabat açıluın teläwlären belderä.


“Milliyät”gazetı “Muzaffergarhta Tayyip Ärdoğan isemendäge xastaxanä açıldı” isemle xäbärendä Paqıstannıñ könyağındağı Muzaffergarh qalasında tözelgän häm töbäkneñ iñ zamança sälamätlek saqlaw üzäge bulğan xastaxanäneñ xezmät kürsätä başlawın xäbär itä.


Gazet xastaxanäne qarağan häm biredäge barlıq büleklärdän mäğlümat alğan Pencap vilayäte premyer-ministrı Möxämmäd Şahbaz Şärifneñ iñ soñğı texnologiya belän cihazlandırılğan 500 urınlı xastaxanäne Törkiyä xökümäte häm xalqınıñ Könyaq Pencap vilayätenä büläge buluı turında äytüen citkerä.


“Sabah”gazetı “TİKAdan Keniyağa yärdäm” isemle xäbärendä Törek xezmättäşlek häm koordinatsiya agentlığı TİKA belän İstanbul şähär xakimiyäteneñ Keniyanıñ Garissa vilayätenä 6 çüp taşu maşinası häm 400 çüp konteynerı belän yärdäm itüen belderä.


“Xäbär Türk”gazetı “Törek ğalimnärenä büläk” isemle xäbärendä törek ğalimnäreneñ urologiya tarmağındağı ber tezisnı yuqqa çığaruları turında yaza.


Gazet dönyada kiñ taralğan böyergä katetr urnaştırunıñ faydalı bulmawın belderüçe ğalimnärneñ küp sanlı il qatnaşında uzğan Awrupa balalar urologiyäse kongressında büläkkä layıq buluın citkerä.


“Akşam”gazetı” Barcelona”nıñ qanatları-Beko” isemle xäbärendä Törkiyäneñ xalıqara könküreş texnikası eşläp çığaruçı firması”Beko”nıñ tanılğan futbol komandası “Barselona”nıñ öçençe zur sponsorı buluın belderä.



Etiketlar:

Bäyläneşle xäbärlär