Törek matbuğatına küzätü 29.06.2014

29nçı iyun könne basılıp çıqqan qayber törek gazetlarına küzätü

Törek matbuğatına küzätü 29.06.2014

“Xörriyät” gazetı “Rusiyädän taşlamanı ğinwarda sorarbız” isemle xäbärendä Törkiyäneň Energetika häm Tabiğıy çığanaqlar ministrı Taner Yıldıznıñ Bötendönya neft kongressında qatnaşır öçen barğan Mäskäwdä Törkiyä öçen noyabr-fevral aylarınıň kritik buluın assızıqlap, Rusiyä Federatsiyase belän tabiğıy gaz kileşeüeneň 2015nçe yılnıň 1nçe ğinwar könennän başlap ğamälgä keräçägen citkerüen yaza.

“Star” gazetı “BMOda törek xisapçısı” isemle xäbärendä Berläşkän Millätlär Oyışmasınıň Keşe xoquqların yaqlaw şurası Başkut Tuncaknı bertawıştan Berläşkän Millätlär Oyışması Qurqınıç matdälär häm tügentelärneň yuqqa çığarıluına qarağan maxsus xisapçı itep bilgeläwen uquçıları belän urtaqlaşa.

Gazet Tuncaknıň Prof. Dr. Yakın Ertürk häm Prof. Dr. Hilal Elverdän soň Berläşkän Millätlär Oyışmasında maxsus xisapçı wazifasın üz östenä alğan öçençe törek keşeseneň buluına iğtibar cälep itä.

“Sabah” gazetı “İgençegä 828 millionlıq yärdäm” isemle xäbärendä Törkiyäneň Awıl xucalığı ministrlığınıň 2014nçe yılnı igençelek ölkäsendä yärdäm qısalarında ber igençegä 828 million lira tüliyäçägen yaza.

Ministrlıktan yasalğan açıqlawğa kürä aqçalata yärdäm orlıqlı üsemleklär, kukuruz, börtekle häm quzaqlı uňışlar öçen bireläçäk. Monıň belän igençelärgä 2014nçe yılda barlığı 6 milliard 866 million lira tülänäçäk.

“Xäbär türk” gazetı “Şikärdän tatlı, läkin şikärsez” isemle xäbärendä törek çäy şirkäte “Çaykur” ğomüm mödirlege tarafınnan yasalğan “Stevia” isemle şikärneň normal şikär belän çağıştırğanda 300 tapqır tatlı häm kaloriyasez buluın citkerä.

Gazet “Çaykur” ğomüm mödire İmdat Sütlüoğlunıň: “Şikär qomınnan küpkä tatlı häm şikärneň tiskäre üzençälekläre yuq monda. Sälamätlek öçen dä faydalı,” – digän süzlären uquçıları belän urtaqlaşa.

 


Etiketlar:

Bäyläneşle xäbärlär