İtle yafraq sarması

Yözem yafrağın tutırıp, töräbez

İtle yafraq sarması

Dönyada şaqtıy millӓt yafraq hӓm yӓşelçӓlӓrneñ êçen tutırıp rizıq ӓzerli. Qayberse Urta hӓm Kön’yaq Amerikadağı kebek kukuruz hӓm banan yafraqların, qayberӓwlӓr Yıraq Könçığıştağı kebek pal’ma yӓisӓ bambuk yafraqların qullana monıñ öçen. Törkiyӓdӓ isӓ hӓr yӓşelçӓneññ diyӓrlek êçen tutırıp bula. Küp teldӓ “dolma” dip ataluçı mondıy rizıq törek telendӓge dolmak yӓgni tulu fiğılennӓn kilӓ. Vinograd yafrağın tutırıp törügӓ “sarma” dilӓr. Bu süz sarmak fiğılennӓn kilӓ. Sarmak – törü digӓnne añlata. Bez dӓ bügen sezgӓ Törkiyӓdӓ yasaluçı itle yafraq sarmasın peşerergӓ öyrӓterbez.

 

İtle yafraq sarmasına tübӓndӓge rizıqlar kirӓk:

250 gram marinadlanğan yözem quağı yafrağı

Turıtu öçen:

1 keçkenӓ suğan

250 gram farş

1 stakan döge

2 aş qaşığı petruşka

1/2 çӓy qaşığı toz

¼ çӓy qaşığı qara borıç

Peşerü öçen:

1 aş qaşığı tomat pastası

3 aş qaşığı zӓytün mayı

1,5 stakan qaynar su

1/2 çӓy qaşığı toz

Yasalışı:

İñ êlek yafraqlarnı qaynar suğa 5 minutqa salabız (tozı kimesen öçen). Yafraqlarnı salqın suda yuıabız.

Şul arada turalğan suğan, yuılğan döğe hӓm farşnı ber sawıtqa salabız. Petruşka, qara borıç hӓm toz östibez. Qul belӓn bolğatabız.

Yafraqlarnıñ sabın kisep, östenӓ 1 çӓy qaşığı xӓtle massanı salabız hӓm qırıyların urtağa taba böklӓp, törӓbez.

Törelgӓn yafraqlarnı ber kӓstryuldӓ tezep barabız.

Keçkenӓ sawıtqa qaynar su, zӓytün mayı, tomat pastası hӓm toz quyıp, bolğatabız. Kӓstryuldӓge yafraqlar östenӓ salabız. Öslӓren tӓlinkӓ belӓn qaplıybız.

Yafraqlarnı ӓkren utta 40 minut peşerӓbez.

Aşağanda yanına yoğurt quyıp bula.

Aşlarığız tӓmle bulsın!

 



Bäyläneşle xäbärlär