Yogurtlı aş “Yayla”

Yogurtlı aşnı peşerü bik ciñel

Yogurtlı aş “Yayla”

Başta yoğurt massası ber tabaqta küpertelä, soñınnan şulpağa äkrenläp salına. Şulpanı da gel bolğatıp torırğa kiräk. Toznı aş peşkäç kenä salabız.

Kiräkle äyberlär:

1 çäşke döğe

1 yomırqa

2 çäşke yoğurt

2 aş qaşığı on

Toz

Yasalışı:

Kästryul’gä 3 stakan su häm döğe salabız. Utqa quyabız. Döğene peşeräbez. Ayırım sawıtta yomırqa, yoğurt, on häm 1 stakan sunı tuğlıybız. Döğe peşkän şulpanıñ ber baqraçın da sawıtqa salabız. Yaxşılap bolğatabız häm şulpağa äkrenläp sala barabız. Aş qaynağaç tağın berniçä minut peşeräbez. Toznı salabız. Ayırım tabada sarı maynı eretep, kipterelgän bötnek salabız. Anı aşqa salabız yäisä aş bülengän tälinkäne bizibez.

Aşığız tämle bulsın!



Bäyläneşle xäbärlär