Tämle it rizığı - käşkäk

Käşkäk Törkiyäneñ Anadolu töbägendä bäyräm häm tuylarda peşä

Tämle it rizığı - käşkäk

İğtibarığızğa käşkäk isemle it rizığın täqdim itäbez. Käşkäk Törkiyäneñ Anadolu töbägendä bäyräm häm tuylarda peşä.

Kiräkle äyberlär:

3 stakan boday

1 stakan nohıt borçağı

2 baş suğan

1 kg söyäkle bärän ite

50 gr sarı may

3 aş qaşığı zäytün (sıyıq) may

1 çäy qaşığı tomat pastası

Borıç, toz

Yasalışı:

Nohıt borçağın kiçtän suda totabız. İkençe könne suın tügep, peşeräbez. Bodayğa su salıp, äkren utqa quyabız häm suı betkänçe qaynatabız.

İtne ayırım kästrülgä salıp, östenä suğan turıybız. Qızdırabız. Bodaynıñ suı betkäç, it qızğan kästrüldäge sunı bodayğa qaşıqlap salabız. Bodaynı bolğatıp, pyure räweşenä kiteräbez. Nohıt östibez. İtne söyäklärennän arındırabız häm itneñ yartısın boday yanına salabız, toz, borıç östibez. Tomat pastasın tabada may belän qızdırabız. Sarı may quşıp, may êregänçe bolğatabız.

Bodaynı zuq tabaqqa alıp, östenä söyäksez turalğan itne quyabız. Östen äzer tomat pastası sousı belän bizibez.



Bäyläneşle xäbärlär