"Bezneñ strategiyäbez arqasında Soğud Ğaräbstanı cinayät’ne qabul itärgä mäcbüt buldı"

Törkiyä tışqı êşlär ministrı Mäwlet Çavuşoğlu Soğud Ğaräbstanı jurnalistı Cämal Qaşıqçınıñ üleme belän bäyle cinayät’ êşeneñ däwam itüen belderde

"Bezneñ strategiyäbez arqasında Soğud Ğaräbstanı cinayät’ne qabul itärgä mäcbüt buldı"

Törkiyä tışqı êşlär ministrı Mäwlet Çavuşoğlu Soğud Ğaräbstanı jurnalistı Cämal Qaşıqçınıñ üleme belän bäyle cinayät’ êşen yabarğa mataşuçı Könbatış illäre buluın belderde. Ul Törkiyäneñ älege däğ’wağa prinśipial’, aqıl belän häm strategik yaqın kilüen assızıqladı. Çavuşoğlu äytkänçä, alar qullarındağı mäğ’lümat, dokument, dälillärne härkem belän urtaqlaşa, ämma Sogud Ğaräbstanı tarafınnan bernindi urtaqlaşu kürenmi.

“Cinayät’ne êşläwçelär anda, - di ul. - Monı açıq häm tögäl äytäm. Bu waqıyğanı yabarğa teläwçe Könbatış däwlätläre bar. Qaysı mäs’älädä nindi kileşülär yasala - beläbez häm küräbez. Dön’yada matbuğat irege diyüçelärneñ, aqça kürgäç, bu êşneñ östen niçek qaplawların küräbez. Ämma bez axırğa qadär kitäbez. Xäzer bulaçaq xalıqara tikşerü öçen äzerländek, kiräkle adımnarnı yasayaçaqbız. Bezneñ strategiyäbez arqasında Soğud Ğaräbstanı cinayät’ne qabul itärgä mäcbüt buldı”.



Bäyläneşle xäbärlär