Çavuşoğlunnan Trampqa cawap

Mäwlet Çavuşoğlu Süriyädä imin töbäk tözü fikereneñ AQŞ ilbaşı Donal’d Tramp tügel, Törkiyäneke buluın bellderde

Çavuşoğlunnan Trampqa cawap

Tışqı êşlär ministrı Mäwlet Çavuşoğlu Süriyädä imin töbäk tözü fikereneñ AQŞ ilbaşı Donal’d Tramp tügel, Törkiyäneke buluın bellderde. Bu xaqta ul jurnalistlar belän oçraşuda söyläde.

Mäwlet Çavuşoğlu Trampnıñ “Süriyäneñ tön’yağında 30 kilometrlı imin töbäk” süzlärenä mönäsäbäten belderde.

“30 kilometr imin töbäk belän bäyle AQŞtan bernindi täq’dim almadıq häm bu alarnıñ fikere tügel. Bu möxtäräm ilbaşıbıznıñ (Räcäp Tayyip Ärdoğan) barlıq awrupalılarğa möräcäğate. Moña ruslar da kerä. Här oçraşuda kön üzägenä quydıq. Obama idaräse monıñ tormışqa aşasın uylamıy ide. Törle säbäplär tabıp bu fikerebezne xuplamadılar. Xäzer Törkiyäneñ qararlılığın kürgäç, bu fikerne urtağa çığardılar,”-dip söyläde ul.

Çavuşoğlu beldergänçä, Süriyädän çığu mäs’äläsendä Trampnıñ östendä citdi basım bar.  AQŞlı iminlek berämlekläre annan çığarğa telämi. Ul Trampnıñ sośial’ media aşa Törkiyägä qarşı açıqlawların da telgä aldı. “Strategik urtaqlar sośial’ çeltär aşa söyläşmäs. Êlemtä kanallarıbız härwaqıt açıq. Bez hiçber yanawdan qurıqmayaçağıbıznı söylädek. İq’tisadi yanawlar belän alğa barıp bulmıy,”-di ministr.

Çavuşoğlu töbäktä körtlärneñ iñ zur dustı Törkiyä buluın da assızıqladı. Anıñ äytüençä, körtlär belän terrorçılarnı tiñläşterü - yalğış qaraş. Ul monı AQŞ häm awrupalılarğa härwaqıt söyläwlären xäterlätte.  

Ministr İdlibtä terrorçı törkemnäreneñ barlığın da telgä aldı. “İdlib terrorçı oyasına äwerelsä - monıñ öçen Süriyä rejimı häm anıñ yärdämçeläre cawaplı. Daraadan avtobuslar belän terrorçılarnı İdlibkä kiterep attılar. Maqsatları da bilgele ide. Bu terrorçılarnı säbäp itep İdlibkä höcüm itü häm anı tormışqa aşırdılar,”-dide ul.  



Bäyläneşle xäbärlär