Netan'yaxuğa cawap

Ärdoğannı tänqıyt’lägän İzrail xökümäte räise Bin’yamin Netan’yaxuğa Änkara cawap birde

omer celik.jpg

Törkiyäneñ separatist terrorçı oyışması PKKğa qarşı operaśiyäläre öçen ilbaşı Räcäp Tayyip Ärdoğannı tänqıyt’lägän İzrail xökümäte räise Bin’yamin Netan’yaxuğa Änkara cawap birde.

İlbaşı idaräse süzçese İbrahim Kalın Twitter aşa urtaqlaşqan yazmasında bolay dide: “İlendä tikşerülärdän başı çıqmawçı Netan’yaxu iğ’tibarnı taratırğa mataşa, ämma buşına. İzrailneñ basıp alu häm zolım säyäsäten hiçber räweştä aqlıy almas.”

Ak partiyä süzçese Ömär Çälik tä Twitterdan belderü yasadı. “Törek armiyäse häm iminlek köçläreneñ PKK maqsatlarına oyıştırğan operaśiyäläreneñ Netan’yaxunı borçuın assızıqlarğa kiräk,”-di ul. Çälik İzrail xökümäte räiseneñ ilbaşı Ärdoğan tarafınnan keşelek öçen, cäberlänüçelär öçen yasağan kisätülärennän tınıçlığın yuğaltuın häm monıñ däwam itäçägen äytte. “İzraildä urlaşuda ğayeplänüçe Bin’yamin Netan’yaxu xalıqara cämäğat’çelekne manipulyaśiyälärgä tırışa. İlbaşıbız häm armiyäbezgä tel tiderep çınbarlıqnı yäşerä alacağın uylıy”,-dip yazdı Ömär Çälik.



Bäyläneşle xäbärlär