Rusiy AQŞnıñ qararına şiklänep qarıy

AQŞnıñ Süriyädän çığu qararın Mäskäwdä şiklänep qarşıladılar

Rusiy AQŞnıñ qararına şiklänep qarıy

Rusiyä tışqı êşlär ministrı Sergey Lavrov AQŞnıñ Süriyädäge xärbi berämleklären çığaru qararı artında bik küp soraw bilgese buluın belderde. Ul Mäskäwdä Fälästin tışqı êşlär ministrı Riyad äl-Maliki belän oçraşqannan soñ jurnalistlar qarşına çıqtı. Anda Lavrov AQŞnıñ Süriyädän ğaskärlären çığaru qararın bäyäläde.

“Bu qararnıñ niçek tormışqa aşacağı yäisä aşmayacağı belän bäyle bik küp soraw bar. Ämma başqa ildä qanunsız räweştä bulğan xärbilärneñ çığuı turındağı qarar döres yünäleştäge adım,”-dide ul.

Lavrov AQŞnıñ Äfğanstandağı xärbiläreneñ sanın kimetäçäge turındağı söyläşülär nisbätennän dä fikeren belderde. “AQŞ Äfğanstannan êlegräk tä çıqqan ide häm soñınnan qabat kerde, näq’ Ğıyraqtağı şikelle. Cirlektä çınlıqta bulğannarnı kürergä kiräk,”-di Rusiyä ministrı.

Kreml’ süzçese Dmitriy Peskov AQŞnıñ Äfğanstannan çığuı turında monnan alda da oxşaş süzlär söyläwen xäterlätep: “Bez Äfğanstanda totrıqlılıq saqlanu yaqlı. AQŞnıñ qararın xäzergä sabırlıq belän küzätäbez häm çınlıqta bulaçaq waqıyğalarnı qarayaçaqbız,”-dide.



Bäyläneşle xäbärlär