"Törkiyä bolarnı uydırmıy"

Tışqı êşlär ministrı Mäwlet Çavuşoğlu Cämal Qaşıqçı cinayäte turındağı sorawlarğa cawap birde

"Törkiyä bolarnı uydırmıy"

Tışqı êşlär ministrı Mäwlet Çavuşoğlu Soğud Ğaräbstanı jurnalistı Cämal Qaşıqçı cinayäte mäs’äläsendä: “Bu êtapta xalıqara tikşerüneñ şart buluı kürende,”-dide. Räsmi zat Törkiyä Böyek Millät Mäclesendä sorawlarğa cawap birde. Ul älege cinayät’ne tikşerüdä ilneñ açıqtan-açıq prośess alıp baruın häm monı böten dön’yanıñ tanuın belderde. “Närsä genä bulsa da, bez bu cinayät’neñ barlıq yaqları açıqlanuı öçen barısın da êşläyäçäkbez. Yabarğa mataşu, kileşergä tırışu barıp çıqmas,”-dide Çavuşoğlu.

Ministr Qaşıqçınıñ wäxşi üterüdä qorban buluın, küzläw häm iminlek saqlaw oyışmalarınıñ isä monıñ dälillären kürergä teläwçelärgä kürsätülären äytte. “Törkiyä bolarnı uydırmıy. Qulıbızda närsä bar - bötenesen xalıqara cämäğat’çelek belän urtaqlaşuıbız kiräk,”-di Çavuşoğlu.

 



Bäyläneşle xäbärlär