Zarif AQŞ basımı turında belderde

İran tışqı êşläre ministrı Möxämmät Cävad Zarif Amerika Quşma Ştatlarınıñ üz digänenä ireşü öçen xätta berlektäşlärenä basım yasarğa çitensenmäwen söyli

Zarif AQŞ basımı turında belderde

İran tışqı êşläre ministrı Möxämmät Cävad Zarif Amerika Quşma Ştatlarınıñ üz digänenä ireşü öçen xätta berlektäşlärenä basım yasarğa çitensenmäwen belderde. Räsmi zat oçraşular öçen Änkarağa kilde. İrannıñ räsmi mäğ’lümat agentlığı İRNAğa birgän interv’yusında ul: “Amerikalılar basım yasaw häm taşlamalarğa ireşü mäs’äläsendä çik-çama belmäwlären kürsätte. Xätta üz berlektäşlären dä bu basımnarğa duçar ittelär,”-dide. Anıñ äytüençä, Törkiyä häm Awrupa illäre Vaşington idaräseneñ ışanıçlı urtaq bulmawı näticäsenä kilde.    

Zarif, şulay uq, AQŞnıñ berlektäşe Törkiyägä yasağan basımı qarşısında törek xökümäte häm ilbaşı Räcäp Tayyip Ärdoğannıñ torışın maqtadı. “Amerikanıñ qayber däwlätlärgä qarşı basımı qısqa waqıtlı täêsir yasıy alsa da, bu illär arasındağı mönäsäbätlärneñ köçäyüenä säbäp bulaçaq,”-dide ministr.



Bäyläneşle xäbärlär