Mattisnıñ “Münbiç yul kartası” planı xaqındağı fikerläre

AQŞ saqlanu ministrı Djim Mattis Törkiyä belän kileşengän “Münbiç yul kartası” planı xaqındağı fikerlären jurnalistlarğa söyläde

Mattisnıñ “Münbiç yul kartası” planı xaqındağı fikerläre

AQŞ saqlanu ministrı Djim Mattis Törkiyä belän kileşengän “Münbiç yul kartası” planı xaqındağı fikerlären jurnalistlarğa söyläde. Ul NATO saqlanu ministrları cıyılışında qatnaştu öçen Bel’giya başqalası Bryussel’gä kiteşli oçqıçta xäbärçelärneñ sorawlarına cawap birde. Ber jurnalist kileşüneñ Süriyädä SDG isemen qullanuçı terrorçı oyışma YPG/PKKnıñ ilneñ könçığışında DEAŞqa qarşı operaśiyälärenä yoğıntısı nindi bulacağın soradı. Amerikanıñ ike taraf belän dä niçek xezmättäşlek itäçäge belän qızıqsındılar. “Bu bik qatlawlı mäs’älä, - dip başladı Mattis cawabın. – Min kürgän iñ butalçıq suğış alanı. Ämma, hiç şöbhäsez, Törkiyä belän alarnıñ täşwişläre mäs’äläsendä êşçänlek alıp barabız. Şul uq waqıtta DEAŞnı ciñäbez. Bu bik awır êş. Ämma xäl itergä tırışabız häm monı Törkiyägä qarşı tügel, anı isäpkä alıp başqarabız”.

Mattis Törkiyäneñ iminlek mänfäğat’lären küzdä totıp plan tözülären belderde. Ul, şulay uq, AQŞ häm Törkiyä tışqı êşlär ministrlarınıñ atna başında Vaşingtonda oçraşuların xäterlätte. “Törkiyä NATOnıñ alğı frontındağı däwläte. Äsädneñ, İran häm Rusiyä yärdämenä tayanıp, xalqına yasağan faciğanıñ çigendä toruçı NATO ile. Törkiyäneñ qurqınıçsızlıq mänfäğat’läre öçen ber yul tabu zaruri.”



Bäyläneşle xäbärlär