2014 yılda Törkiyädä tatarlar

“Törek wä tatar dönyasında” tapşıruında 2014nçe yılda yañğırağan qayber yazmalar belän äñgämälärgä küzätü.

2014 yılda Törkiyädä tatarlar

Törki dönya ädäbi jurnallar kongressı

Uzğan yılnıñ fevral ayında Törkiyäneñ İskeşähär qalasında 6nçı Törki dönya ädäbi jurnallar kongressı uzdı.

Teldä, fikerdä, eştä berlek şiğaren beldergän İsmäğil Ğaspralığa bağışlanğan kongress eşendä küp sandağı törki illär belän ber rättän Tatarstan, Başqortstan häm Qırım wäkilläre dä qatnaştı.

Törki dönya jurnalistlar şurası

İskeşähär qalasında 2014nçe yılda bulıp uzğan Törki dönya jurnalistlar şurasında isä Tatarstannı “Azatlıq” tatar yäşläre berlege başlığı Nail Nabiullin wäkillek itte.

Tuqaynı iskä alıp

Başqa yıllarda bulğanı kebek uzğan yılda da Törkiyädä tatar milli şağire Ğabdulla Tuqayğa bağışlap törle çaralar ütkärelde.

Aprel ayında İstanbuldağı Ğabdulla Tuqay parkında böyek şağirne iskä alu cıyını belän şulay uq İstanbulda Tuqay kiçäse oyıştırıldı.

Törki dönya kitap yärminkäse

Törkiyäneñ 2013 nçe yıl törki dönya mädäniyät başqalası İskeşähär qalasında uzğan 2014nçe yılda berençe törki dönya kitap yärminkäse ütkärelde.

18 ildän 48 yazuçı häm 80gä yaqın näşriyat qatnaşqan yärminkädä Tatarstannı 11 keşelek delegatsiya wäkillek itte.

“Möslimä” citäkçese Törkiyädä

Uzğan yılda Törkiyä säfärenä kilüçelär arasında Tatarstan xatın-qızlarınıñ “Möslimä” ictimaği oyışma citäkçese Älmira Ädiatullina da bar ide.

“Törkiyä awazı”nıñ Tatarstan xäbärçese

Ütkän 2014nçe yılda “Törkiyä awazı” radiosınıñ Änkaradağı studiyäsendä bulıp kitkän qunaqlarıbıznıñ berse - “Törkiyä awazı” radiosınıñ Tatarstan xäbärçese Raynur Şakir ide.

TRTdä Tatarstan televideniye xezmätkärläre

Törkiyäneñ TRT däwlät teleradiokompaniyäse belän Tatarstannıñ “Tatmedia” agentlığı arasında tözelgän kileşü nigezendä Tatarstan mediasında eşläwçe bertörkem teleoperatorlar häm video montajçılar TRTneñ Törkiyä başqalası Ankarada urnaşqan ğomum üzägendä 2014nçe yılda oyıştırılğan ğämäli däreslärdä qatnaştı.

Antalyada tatar cämğiyäte

Xalıqara turizm üzäge bulğan Antalya qalasında tatar cämğiyäte tözelde. Törkiyäneñ Ankara, İstanbul, İskeşähär, Kütahya, İzmir şahärlärennän soñ Urta diñgez buyında da tatar cämğiyäte eşli başladı.

Qırğızstanda “Tatar awazı”

Törki-tatar dönyasına bağışlanğan tapşıru tezmäbezneñ uzğan yılğı çığarışlarında Qırğızstan däwlät teleradiokompaniyäseneñ “Duslıq” radiosı aşa yañğırawçı tatarça tapşırular möxärrire Gölgenä Xäybullina-Şonkorova belän äñgämä täqdim itkän idek.

Törek tarix kongressı

Törkiyä başqalası Ankarada sentyabr ayında 17nçe Törek tarix kongressı bulıp uzdı. Xalıqara külämdä ütkärelgän şuşı çarada tatar ğalimnäre dä qatnaştı.

Tatarstannı dotsent, tarix fännäre kandidatı Ramil Cäläyev wäkillek itkän fänni cıyında Törkiyädä ğomer itüçe tatar ğalime İlyas Qamalov “Rusiyädäge berençe törekçä-tatarça basması: 1nçe Pyotrnıñ beldergese” temasına, ädäbiyat belgeçe Roza Qorban isä “Tarixi İdel-Ural qorıltayı” dokladı belän çığış yasadı.

Polşada tatarlar

Uzğan yılnıñ sentyabr axırında Törkiyä başqalası Ankarada “Törkiyä-Polşa mönäsäbätläreneñ 600 yıllığında tel häm ädäbiyat” isemle xalıqara konferentsiyäse uzdı.

Törek tel cämğiyäte oyıştırğan xalıqara cıyında Polşadağı tatarlar turında da süz bardı. Professor Henryk Jankowski “Polşa häm Litva tatarlarınıñ törekçä zikerläre” turında çığış yasağan bulsa, Törkiyädä ğomer itüçe tanılğan tatar ğalime, professor Nadir Däwlät isä Polşa tatarlarına qağılışlı soñğı xäbärlär belan tanıştırıp uzdı.

Tatarstan milli kitapxanäse Törkiyädä

Üktäbr ayında Törkiyädä Tatarstan milli kitapxanä wäkillege bulıp kitte. Tatarstan milli kitapxanä direktorınıñ fänni eşlärdän cawaplı urınbasarı İrek Hadiyev häm kitapxanäneñ qulyazmalar häm siräk kitaplar bülege mödire Ayrat Zahidullin tatarlar belän qağılışlı qulyazmalar häm milli basmalarnı tabu maqsatınnan çığıp İstanbul, İskeşähär häm Törkiyä başqalası Änkarada millättäşlär belän küreşep söyläşte.

Räfis Qaşapov: “Törki berdämlek zarur”

Noyabr ayında Änkarada ütkärelgän “Uyğır törkiläre: tel, tarix häm geografiya” simpoziumın tıñlawçılar arasında Tatarstannan Çallı Tatar İctimaği Üzäge räise Räfis Qaşapov ta bar ide.

Törki dönya yäşläre könnäre häm qorıltayı

2014nçe yılnıñ dekabr ayında İstanbulda uzğan 16nçı Törki dönya yäşläre könnäre häm qorıltayında Tatarstannı wäkillek itüçelär arasında “Azatlıq” tatar yäşläre berlege räise Nail Nabiullin häm urınbasarı şağir-jurnalist Fänil Ğiläcev ta bar ide.

Abdulkadir İnan belän xatirälär

Dekabr ayında Törkiyä başqalası Änkarada tanılğan başqort ğalime Abdulkadir İnan iskä alındı. Cıyında Tanılğan cämäğät eşleklese, ğalim Zäki Välidi Tuğannıñ qızı professor, doktor ğalimä İsänbikä Tuğan da qatnaştı.



Bäyläneşle xäbärlär