Bu könne närsälär bulğan?

Miladqa qadär 399nçı yılnıñ 15nçe fevralendä äxlaq fälsäfäsenä nigez salğan antik grek fälsäfäçeläreneñ iñ ähämiyätle wäkillärennän Sokrat ülemgä xökem itelgän. Anı grek täñrelärenä qarşı kilüdä ğayeplilär. Sokratnıñ yäş’lär arasında täêsire köçle bula. Bik küplär, şul isäptän uquçısı Platon da, anıñ şikelle yalanayaq yöri, çäçlären üsterä häm açlıq çigä. Sokrat ülgäç anıñ öyrätülären däwam itüçe mäktäplär açılğan.

1914nçe yılnıñ bu könendä tanılğan qazax aktyerı häm rejissyerı Şaken Aymanov tudı. Ul kar’yerasın Almata drama teatrında başlıy. Berniçä yıl anda citäkçelek tä itä. Aymanov “Qazax fil’m” kinostudiyäseneñ tözüçelärennän berse. Ul kübräk könbatış klassik ädäbiyätı obrazlarına can örä. Şaken Aymanov töşergän fil’mnar qazax kinosınıñ cäwhärläre sanala.

1989nçı yılnıñ 15nçe fevralendä sovet ğaskärläre Äfğanstannan çıqtı. Suğış 9 yıl däwam itte. Anda yaqınça 15 meñ sovet soldatı häm 1 millionğa yaqın Äfğanstan watandağı hälaq buldı. Suğıştan soñ da ildä totrıqlılıq täêmin itelmäde. 20 yıldan artıq watandaşlar suğışı bara.