Bu könne närsälär bulğan?

Tarixta bügen    07.02.2019.

Bu könne närsälär bulğan?

 

 7 nçe fevral’ tarixqa nindi waqıyğalar belän kerep qalğan soñ?

 

1945 nçe yılnıñ 7 nçe fevralendä berlektäş liderlar Böyekbritan prem’yer-ministrı Uinston Çerçill’,Amerika Quşma Ştatları ilbaşı Franklin D.Ruzvel’t häm marşal İosif Stalin Qara diñgezdä yäşeren ber urında Germaniyağa qarşı suğışnıñ azağı häm Awrupanıñ kiläçäge xaqında küreşep söyläşä.

 

1971 nçe yılda bu könne Şveśariyädä xatın – qızlarğa saylaw xoquqı birelä.

 

1973 nçe yılnıñ 7 nçe fevralendä Törkiyä Böyek Millät Mäclesendä qabul itelgän qanun belän Maraş vilayätenä “qaharman” iseme birelä. Bu qarar nigezendä Maraş Kahramanmaraş dip üzgärtelä.

 

1992nçe yılnıñ bu könendä Awrupa cämğiyätenä äğ’za illär arasında Awrupa Berlegen barlıqqa kiterüçe Maastrixt kileşüe imzalana.

 

1995 nçe yılnıñ 7 nçe fevralendä Discovery Rusiyäneñ “Mir” ğaläm stanśiyäse belän tarixi oçraşuın tormışqa aşıra.

 

1996 nçı yılnıñ 7 nçe fevralendä törek şirkäte “Bir-Gen Air”neñ Boeing 757 tibındağı yulçı oçqıçı Dominikan Cömhüriyäte kiñleklärendä Atlantik okeanğa kilep töşä. Waqıyğada 189 keşeneñ ğomere özelä.

 

2007 nçe yılda bu könne Tbilisidä Gruziya, Azärbaycan häm Törkiyä xökümätläre Baqı-Tbilisi- Kars timer yulı proyektın tormışqa aşıru turındağı kileşügä qul quya.

 

2009 nçı yılnıñ 7 nçe fevralendä Avstraliyada il tarixındağı iñ köçle urman yanğını küzätelä. “Qara şimbä” dip belengän bu yanğında 173 keşe hälaq bula, 414 keşe yaralana.



Bäyläneşle xäbärlär