"Yayla" aşı

Faydalı rizıq bulğan yogurttan aş peşeräbez

"Yayla" aşı

Yogurtnı kübebez belä. Bar dönyağa 19 ğasırda cäyelä başlağan yogurtnı töreklär yözlärçä yıl buyı qullanıp kilä. Törkiyädä anı üzen genä dä, rizıqlarğa quşıp ta aşıylar. Şuşı faydalı rizıqtan aş ta peşerälär. Bügen sezgä yoğurt aşı, yägni “Yayla” aşın peşerergä öyräterbez.

 “Yogurt aşı” öçen tübändäge äyberlär kiräk:

  • 6 stakan su
  • 3 aş qaşığı döge
  • 2 aş qaşığı on
  • 1 yumırqa sarısı
  • 2 stakan yogurt
  • 1 çäy qalağı tuz häm kipkän bötnek
  • 2 aş qaşığı sarı may

 

İň êlek kästyulgä su quyıp, qaynatabız. Kaynağan suğa toz salğaç yuılğan döğene salabız. Alarnı yomşarğanğa qadär peşeräbez. İkençe sawıtta yomırqa sarısı, on häm yogurtnı tuğlıybız. Ber stakan su salabız. Döge suınnan 2-3 baqraç alıp, äkrenläp yoğurt massasına salabız. Annarı massanı kästryulgä töşeräbez. Qaynıy başlağaç 10 minut peşerep, uttan alabız.

Keçkenä tabada sarı may êretep, bötnek salabız. 30 sekundtan soň uttan alıp, aşqa quşabız. Teläsägez, qızıl yäisä qara borıç ta salırğa bula.

Aşığız tämle bulsın!



Bäyläneşle xäbärlär