Kaysäridä “Tank xastaxanäse”

İl

İlebezdä xärbi fabrikalar möhim ber berekmä kürsätä. Däwlät êş cire bulğan älege ob’yektlar ğamälläre, mömkinlekläre häm sälätläre belän zur ähämiyäkä iyä. Törkiyä xärbi xäräkätlär häm terrorçılıq belän köräştä monıñ möhimlelegen tağın da nığraq xis itä.

Kaysäridä urnaşqan “2nçe töp tözekländerü fabrikası idaräse”n qoru êşçänlege 1951nçe yılda başlandı. Bu fabrika 1954nçe yılda “1020nçe Armiyä qoralların tözekländerü töp fabrikası” ataması belän açıldı. Komandalıqnıñ iseme yış üzgärde. 1987nçe yılda ul “1009nçı Armiyä qoralların tözekländerü töp fabrikası” buldı. 2003nçe yılda “2nçe töp tözekländerü üzäge komandalığı” dip üzgärtelde. 2016nçı yılda isä “2nçe töp tözekländerü fabrikası idaräse” bularaq terkälde häm xäzergä qadär şul iseme belän yörtelä. Fabrikada yaqınça 800 keşe xezmät quya.  Bolarnıñ 480e êşçe, başqaları xärbi häm grajdanlı xezmätkärlär.

“2nçe töp tözekländerü fabrikası idaräse” Törkiyä Qorallı köçläreneñ inventarendäge çılbırlı texnikanı qarap tözekländerü, yañartu, modernizaśiyäläw, yaxşırtu häm almaş detal’lären yasaw belän mäşğul’.  Çılbırlı texnikağa tanklar, bronetransportyerlar, köbäle xärbi texnika häm minomyet yörtüçe kerä. Fabrika barlıq xärbi berleklärgä yärdäm kürsätä.

Kaysäri “2nçe töp tözekländerü fabrikası idaräse”neñ başqa êşçänlekläre bolar:

1. Çılbırlı texnikağa almaş detal’ yasaw,

2. Çılbırlı texnikanıñ motor häm transmissiyä mayların analizlaw,

3. Êlektron häm mexanik cihazlarnı kalibrovkalaw,

4. Dus häm berlektäş illärneñ xezmätkärlärenä hönäri belem birü,

5.Tübän berleklärgä kiñäşçe yärdäme kürsätü.

M-60 T TANKLARI TULISINÇA YAÑARTILDI

Tözelgännän birle çılbırlı texnikanı yañartu, modernizaśiyäläw êşlärennän tuplanğan täcribä häm mäğ’lümat berekmäse belän fabrika 2000nän artıq M48AT1-T2 tankın yañarttı, TAMAY tank qotqaruçı, xärbi nığıtu texnikası, şuışuçı küperle tanklarnı yasawnı uñışlı tormışqa aşırdı. Monnan tış, 2000 tiräse benzinlı M113 ZPT texnikasın dizel’ quäte,  östämä yağulıq deposı häm başqa cihazlar belän modernizaśiyäläp, mömkinleklären arttırdı häm M113 A2T2 modelenä äwerelderde. Bu texnikalardan ber öleşen, Törkiyä Qorallı köçläreneñ ixtıyacları qısalarında,  saqlanu vzvod texnikası, köbäle ştab texnikası, ağığıç yärdäm maşinası häm atu belän idarä itü märkäze itep üzgärttelär.  Sonğı yıllarda isä M60T tank modernizaśiyäse belän MLC 70 sıynıfı şuışuçı küperle tank yasawnı tämamladılar. 

M60T tank modernizaśiyäse proyektında täwge tapqır törek tankına “reaktiv köbä saqlaw” säläte östälde. Fabrikada çılbır alıştırudan korpusına, qalançadan qoral sistemalarına qadär yañartılğan 170 danä M-60 tankınıñ model’lärenä “törek” süzen añlatqan T xärefe östälde häm bolar Törkiyä Qorallı köçläreneñ inventarena  M-60 T bularaq quşıldı. Başqaça äytkändä, M-60 T tankları baştan-ayaq zamançalaştırılıp armiyä qul astına kerde.

Tanklar, modernizaśiyälängännän soñ, üzäktä yasalğan su basseynı, tawçıq şikelle maxsus mäydanda törle sınawlardan da uza. Kaysäri “2nçe töp tözekländerü fabrika idaräsendä” äle xäzer dä atuğa yärdäm itüçe avtomatika proyektı belän bergä Leopard 2A4 tanklarına tankka qarşı toru säläten östäw proyektı däwam itä.

XÄRÄKÄTLÄRGÄ YÄRDÄM İTÜÇE ÊŞXANÄ

Kaysäri “2nçe töp tözekländerü fabrika idaräse” 2016nçı yıldağı Färat qalqanı häm 2017nçe yılda tormışqa aşırılğan Zäytün botağı xäräkätläre belän Afrindağı operaśiyälärgä motor cihazı, almaş detal’, ikençel ğomumi kiräk-yaraq belän yärdäm itte. Şul uq waqıtta zur zarar kürgän çılbırlı texnikanı qarap-tözätü üzäge bularaq aktiv êşçänlek alıp bardı. Älege xäräkätlärgä yärdäm itü öçen xärbi êşxanädä ike smenağa bülenep xezmät quyıp yañartu, citeşterü häm tözekländerü kürsätkeçlären ike tapqır arttırdılar. Monnan tış, fabrika xäräkät cirlegendä awır zıyan kürgän çılbırlı texnikanıñ kiräk bulsa ildä, kiräksä çik tışında tözekländerü, qaraw, qotqaru häm qaytaru êşlären başqarıp, terrorçılıq belän köräşkä teläktäşlegen aktiv bularaq kürsätte. Êşxanä xezmätkärläre xäräkättäge törkemnär belän Färat qalqanı, Zäytün botağı häm Afrindağı xärbi operaśiyälärdä qatnaştı.

KÜP SANDA SIYFAT SERTİFİKATINA İYÄ ÊŞXANÄ

Kaysäri “2nçe töp tözekländerü fabrikası idaräse” proyektlaw häm citeşterü êşçänlegen qolaçlağan AQAP-2110 NATO industrial’ sıyfat ışanıçlılığı sisteması sertifikatına, tirä-yün’ne saqlaw qağıydälärenä turı kilüen kürsätüçe TS EN İSO 14001 sertifikatına, êş iminlege xoquqıy normalarınnan çıqmawın dälilläwçe OHSAS 18001 dokumentına iyä.

“2nçe töp tözekländerü fabrikası idaräse” asıl burıçları belän berrättän sıyfatqa da ähämiyät birä. Êşxanä 2017nçe yılnıñ 4nçe martında Törkiyä sıyfat cämğıyätenä korporativ äğ’za bulğan häm 2017nçe yılnıñ 18nçe oktyabrendä Milli sıyfat xäräkätenä quşılğan täwge xärbi fabrika isemen yörtä. “2nçe töp tözekländerü fabrikası idaräse”  Milli Saqlanu ministrlığı tarafınnan pilot fabrika bularaq saylandı. Ul êşçänlege häm xäzerlekläre mäs’äläsendä “Öç yoldız kamillek sertifikatı” aluğa ireşte.

Tarkan Zängin

Törkiyä Xärbi-Êş hönärçelek berlege mäğarif bülege mödire