Olı lider Mostafa Kämal Atatörekneñ mavzoleyı - Anıtkäber

Törkiyäneñ mädäniyät xäzinäläre 45

Olı lider Mostafa Kämal Atatörekneñ mavzoleyı - Anıtkäber

 Törkiyäneñ Mädäniyät xäzinälärendä bu atnada sezgä Cömhüriyätebezneñ qoruçısı Olı lider Mostafa Kämal' Atatörekneñ mavzoleye bulğan Anıtkabirne tanıtaçaqbız.

 

Atatörek 1938dä wafat bulu aldınnan “Minem iñ zur äsärem Cömhüriyät”ter dip äytep mirasını işarät itkän  ide. Cömhüriyätebezneñ  qoruçısı İstanbulda Dolmabahçä sarayında  1938 nçı yılnıñ 10 nçı noyabr könendä yaqtı dönyadan kitkän.

Zur köräşlär belän, xezmät belän, inqılaplar belän tözelgän zamança  Cömhüriyäten törek xalqına ämanät itkän ide. Anıñ yuğaltuı  millätebezne 7dän 70 kä qadär barıbıznı da bik tirännän borçığan.

Dolmabahçä sarayında äzerlängän katafalknıñ aldınnan böten İstanbul xalqı qayğı xäsrät belän yılap  uzıp kitkän. 1nçe Dönya suğışınnan ciñelgän diyärlek Ğosmanlı imperiyäse Sevr kebek xaqsız kileşülär belän cimerelü noqtasına kilgän ide.

Başqala İstanbul, İzmir häm Anadolunıñ şaqtıy urınnarnı ciñüçelär tarafınnan yawlap alınğan ide. Bu qarañğı könnärdä başlatılğan milli köräştän ciñüçe bulıp çığıp, yäş Cömhüriyätne qorğan  Ata 1938dä yaqtı dönyadan kitkän waqıtına qadär  yaña däwlätebezne şäkilländerergä ırışqan.                                                                                                                          

 

SES:. Atatörek İstanbuldan Änkarağa kiterelep Êtnografiya muzeyında tözelgän waqıtlıça qabergä quyılğan.Ozın tikşerenülärdän soñ Cömhüriyätebezneñ qoruçısına kileşkän ber qabär  tözeleşe öçen Anıttepe saylanılğan ide. Anıttepeneñ êlekke iseme monda bulğan şaqtıy iske binanın Rasat (küzätü) maqsatı belän qullanılu arqasında Rasattäpäydi. Oyıştırılğan milli bäygedä Anıtkabirneñ tözeleşe öçen Professor doktor Ämin Onat häm dośent Orhan Ardanıñ proyektı saylanğan. Xäzerge köndäge Anıtkabir alarnıñ äsäre bulıp tora. 1943nçı yılda başlanğan tözeleş 1953nçe yılda tämamlanğan.

Zur tantana belän Atatörek Êtnografiya muzeyındağı waqıtlıça bulğan qaberennän alınıp yal itü öçen Anıtkabirğa kiterelgän.

Änkara xalqı Atasına xörmät itüen bu küçerü waqıtında kürsätkän ide.       

 

3000 kvadrat metrlıq ber alanda Mavzoley Azatlıq  suğışı häm inqılaplar belän bäyle äsärlärneñ kürsätelgän zur komplekskqa äylängän Anıtkabir müzeyğa xäzerge köndä meñnärçä  çirle häm çit il turistlar kilä.

Änkarağa kilüçelärneñ kürergä telägännär urınnardan berse Anıtkabir, Azatlıq  suğışı häm anıñ liderı Mustafa Kämal Atatörekne  xörmät itelgän ber mädäni äsärebez bulıp tora.

1960nçı yıldan başlap Atatörekneñ şäxsi äyberlärneñ,çit il  däwlät başlıqlarnıñ aña birgän büläklärneñ dä kürsätelgän muzeyda şul uq waqıtta Atatörek räsemnäre kebek büläk satışı  da yasala.

Änkarağa kilgän çit il däwlät räsmi zatları êtiq qağıdäläre buyınça Anıtkabirgä säfär qılar, mavzoleyga çäçäk quyıp , xätirä däftärenä küzätülären yazalar. 

Här yıl meñnärçä uquçınıñ säfär qılğan Anıtkabir Änkaranıñ iñ yaratılğan urınnardan berse bulıp tora. Änkaranıñ  bar cirennän diyärlek kürelgän Anıtkabir, Änkara manzarasında  Manara belän bergä iğtibarnı iñ küp caläp itkän urın bulıp tora.

Azatlıq suğışı liderıbıznıñ xätiräse  äle dä törek milläteneñ küñelendäge urını iñ nıq monda añlaşıla.

10nçe noyabr könendä tağın ber tapqır yıllığında iskä töşeräçägebez  Olı liderıbıznıñ bezgä qaldırğan Cömhüriyät häm Demokratiyäbez belän ğorurlanabız.

 

 Ägär ber kön Änkarağa kilsägez ikän  törek milläteneñ ğaziz Atasınıñ mänğä yäşiy torğan urınına da kilep kürergä kiñeş itäbez.



Bäyläneşle xäbärlär