Nogayşa 180: Köp qıyınlıqta bȋr asker (1)

Bu yuma “KÖP QIYINLIQTA BȊR ASKER” baresinde söz bardıramız:

Nogayşa 180: Köp qıyınlıqta bȋr asker (1)

Nogayşa 180: Köp qıyınlıqta bȋr asker (1)

►Nogayşa 180: Köp qıyınlıqta bȋr asker (1)

 

Bîr üyken alimdiñ, 

Köp qıyınlıqqa tüsken 

Bîr askerdiñ temsilimen

Bizge bergen dersleri,

Nav sözleri bolgan...

 

Sözleriniñ basında,

So temsilmen bizlerge,

Qaysı mane, aqıyqattı,

Aytıyagını ol alim,

Nav kepte aşıqlagan:

 

“Nav käinattıñ tıstan yabıq      

Tılsımlarını aşqan:

Amentü billah ve bilyevmil ahir,       

Yani Allah em Ahiret’ke

İnsanlardıñ iymanınıñ, 

Barı insan ruhı üşün,  

Tatimlikti aşqan,

Qıymatlı eki tılsım, 

 

Em barı qıyınlıqtıñ 

Aşgışı bolganını; 

 

Tagı sabır em tavekkül,     

Yani Allah’qa tayangandıñ,

Quday’ga şükür etip   

Rezzaq bolgan Allah’tan

Duvaman  tilegendiñ,

Ne qadar yaravışlı,    

Tagı tiryaqtay küşli     

Dari, ilaş bolganını;

 

Tagı Quran’dı tıñlagandıñ,      

Em ökmine uygandıñ,

Em namazdı qılgandıñ,        

Em künaden qaşqandıñ,

Ta abedlerge ozgan 

Yollardıñ üstünde,    

Neşe müyim, qıymatlı;

Em yarqın bîr bilet, 

Em ahiret azıgı, 

Ziyadası qabirde,

Müminlerge bîr savle, 

Bolganını añlagandı,  

Sen tilegen bolsan,

Nav temsildeki hiqayaga, 

Qarayberip qulaq ber:

 

Bîr zaman bîr asker,     

Sogıs em imtihan     

Meydanında ekende;

Em paydaman zararlarga,  

Uğranılgan bîr zamanda,

Köp qıyın alge tüsken... 

 

So qıyınlıq ne desek?

Em oñ yagında, em solında, 

Dahşetli eki yaraman 

Yaralı bolgan alde,   

Hamen artında sonıñ

Üyken dahşetli bîr aslan,

Üstüne atlamaga 

Azirlenip turu eken...

 

Em közinin aldına, 

Bîr asqaq tigilgen! 

Barı süygeni kim bolsa,

Asıp yoq etedi eken!    

Sosı asker tagı em,     

Özinin asılıyaq

Kezegini bekleydi eken!

 

Em so almen barabar,    

Sozup ketken bîr yolga,

Şıqpaga mejbur eken...

Nege dese so asker,

Sürgünge ketiyek eken!

 

Sosı beşare, nav dahşet 

İşinde, umutsuzca 

Oylap turu ekende,

Oñ yagından Hızır’day 

Bîr qayırlı, nurani 

Aqsaqal peyda bolgan...

 

So askerde qarap

Nav sözlerdi söylegen: 

Taralıp muñın bolma!

Endi saga eki tılsım

Berip üyretiyekpen...

Arüv etip qullansan,  

Sosı aslan seniñ 

Emrinde bîr at bolar!

Em sosı asqaq saga, 

Keyip etip gıdırmaga,  

Bîr sancaqqa avısar!

 

Em eki dari beriyekpen: 

Arüv etip qullansan, 

Sosı eki sasıgan

Sendeki yaraların,  

Eki yahşı qoqulı, 

Gül-i Muhammedi degen

Gözel şeşekey bolar!

 

Em endi saga,    

Bîr bilet em beriyekpen...   

Sosımınan sen özin,

Aynı uşqanday bolup

Bîr sanelik bîr yoldı, 

Bîr künde ötersin!

 

Mine eger inanmasan,  

Azanaqay tejrübe et! 

Ta tuvra bolganın

Özin em anlarsın!

 

Sosı asker üşünley  

Bîraz tejrübe etken. 

Tuvra bolganın körgen!

 

İyye men özim tagı,  

Tasdik etip tuvralayman... 

Nege dese men tagı,

Bîraz tejrübe ettim;   

Tuvra ekenin körgenmen!

 

Mundan soñ bîrdenbîrge,        

Sol betinden Şaytan’day 

Dessas, tagı em ayyaş,    

Aldatuvşı bîr adem,   

Köp bezekpen barabar,

Süslü suvret, fantaziyler,    

Em esiretüvşi işiyekler,

Barabar bolgan alde,     

Kelip qasında turgan:

 

‘Hey arqadaş kel, kel!  

Barabar işret etip  

Yep işip keyip eteyik!

 

Nav yarasıq qızlardıñ  

Suvretlerine qarayıq! 

Nav yahşı yırlardı,

Tıñlayberip bîr yaqtan,  

Nav tatli aslardı,     

Barabarşa aşayıq!”

 

Qalganlardı keliyek yuma, 

Aytqandı bizge Quday,

Nasip etsin inşallah!

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär