Nogayşa 176: Quyuga tüsken adem hikayası (3)

Bu yuma em “QUYUGA TÜSKEN ADEM HİQAYASI” baresinde söz bardıramız!

Nogayşa 176: Quyuga tüsken adem hikayası (3)

Nogayşa 176: Quyuga tüsken adem hikayası (3)

►Nogayşa 176: Quyuga tüsken adem hikayası (3)

 

Burungı yumadaqı 

Eñ soñ qalgan ornımızda,

Arüv adem tagı em

Aynı biraderindey

Bîr şölge kirgen edi. 

Bîrden hücumga ötken

Bîr arslan körgen edi.

Sosı em qorqqan edi.  

Tek qardaşı qadar,

Qorqup tüspegen edi...    

 

Nege desek sosı qardaş, 

Yahşı sanı, pikrimen      

Arüv keppen oylap edi.

 

Sosı oyı ne edi?

Endi so yerden baslaymız: 

 

 “Nav şöldiñ bîr hakimi bar. 

Em arslan ol hakimdiñ

Dayim emri astında, 

Qızmetşisi bolgandıñ  

Üyken ihtimalı bar!”

Dep oylap yahşı qardaş,     

Yüregini tıñşaytqan...

 

Tek kene de qaşqan... 

Ta altmıs arşın teren, 

Susuz quyuga rasap

Özini işine atqan...       

 

Qardaşınday quyudıñ  

Ortasında bîr terekke

Qolı rasap, sonı ıslap      

Avada ilivli qalgan...

 

Tek sosı alde ekende,     

Bîr qarasa eki ayvan,   

So agaştıñ eki kökini,

Kemirip kesip turgan!

Yogarga qarasa aslan! 

Oyga qarasa üyken yılan! 

Aynı qardaşınday acayip

Bîr dahşet al yaşagan...

 

Sosı adem em qorqqan. 

Tek qardaşınıñ qorqısından

Miñ derece yeñil bolgan. 

 

Nege desek yahşı huyı,

Oga yahşı pikir bergen.

Sosı yarasıq pikri,   

Är zattıñ arüv yagını,     

Arüv betini körsetken...

 

Mine nav sebepten, 

Sosı kepte oylagan:

“Nav acayip isler barı,

Bîrbirimen bavı bolgan.

Tagı bîr emirminen   

Areket etkendey körilgen...

 

Solay bolsa nav islerde,

Bîr tılsımlı al bolgan!   

Elbet nalar bîr yasırın

Hakim emrimen aylangan...        

 

Aşe men yalgız tuvılman...

Sosı yasırın hakim,

Maga qarap eral meni,    

Nav islermen sınagan...

Bîr maqsat üşün meni,   

Bîr betke yönetip   

Sosı yerge şaqırgan...”

 

Nav tatli qorqusıman,  

Tagı gözel oyıman:   

Acaba meni sınap,

Özin bildirgendi tilep,       

Nav acayip keppinen

Bilmegenim bîr maqsatqa,      

Meni aketken kim eken?”

Dep işinde maraq uyangan!

 

Soñda tanuv maraqından,

Tılsımdıñ iyyesiniñ

Süygüsi işine tuvgan.

 

Em sosı süygi qasında, 

Tılsım aşılgay edi dep   

Öz özine ımtılgan...

 

Sosı havastan tagı,     

Tılsım iyyesini razı etiyek

Bîr gözel al algandıñ     

Tilevi işine tuvgan...

 

Em artından terektiñ

Basına bîr qarasa,  

Körgeni ınjır bolgan...

 

Tek so terektiñ basında,

Miñlerşe tereklerdiñ

Meyvalarını körgen...

 

Sosı vaqıt bütün bütün    

Qorqusı uşup ketken...

 

Nege desek arüv adem,     

Nav aqıyqattı añlagan:

Sosı ınjır teregi,          

Meyva listesi bolgan...

 

Barı meyvalarga so terek

Bîr fihriste bolgan.

Tagı em sergi bolgan...

 

Sosı yasırın hakim, 

Asıl baqşalarındaqı  

Meyvalarga bîrer ülgi

Bolganı maqsatıman;      

Em bîr tılsım, mucizemen,

Miñlerşe meyvalardı,     

Injır teregine taqqan...

 

Nav maqsatlar qasında, 

Özi betten qonaqlarga

Azirlengen nimetlerge,

Bîrer işaret bolsun dep      

So terekti bezegen...

 

Yoqsa bîr tek terekten,     

Miñler meyva öspegen...’

 

Ene süytüp oylagan soñ 

Duvalarga baslagan.

So yalbaruv soñında,

Yasırgan tılsım aşgışı,  

Qalbine tuvıp aşılgan...

Ene sosı yoşqısıman 

Baqırmaga baslagan:

 

 “Ey munavı yerlerdiñ    

Hakimi bolgan zat!    

Senin baqtına tüstüm!

Men saga tayanaman!

Saga taban baraman!

Tagı qızmetşiñ bolaman!

Seniñ razılıgındı tilep,  

Saga yetalgaydım dep,     

Mine seni qarayman!”

 

Sosı niyazından soñ  

Bîrden quyu duvarı,   

Yarılmaga baslagan...

Aynı patşa baqşasınday  

Köp taza, em gözel   

Bîr yerge esik aşılgan!

 

Belki üyken yılan avzı, 

So qapıga avısqan!

 

Aslan em ejderha,  

Eki qızmatşı bolup  

Sosı yahşı qardaştı,

İşkerge şaqırgan...

Atta sosı aslan oga, 

Emrinde bîr at bolgan...

 

Hikayadıñ davamını,  

Em sonıman baylangan

Üyken aqıyqatlardı,

Keliyek yuma nasip bolsa,     

Aytqandı bizge Allah,

Nasip qılsın inşallah!                                   

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär