Nogayşa 168: Şükür (3)

Bu yuma em “ŞÜKÜR” baresinde habarlasamız!

Nogayşa 168: Şükür (3)

Nogayşa 168: Şükür (3)

►Nogayşa 168: Şükür (3)

 

Şükürdiñ  aqıyqatı   

Baresinde bîr alimdiñ     

Aytqanınıñ davamı,

Nav maneler bolgan:

 

“Tilimizge salıngan  

“Ted alma duygusı”,   

Cenab-ı Haq’tıñ hesabına,

Yani manevi şükür     

Vazipesi,gayasıman     

Rızıqqa qarasa,

So tildeki yahşı duygu,  

Hak’tıñ soñsuz rahmetiniñ

Sansız as hanasına,      

Şükür etüvşi bîr müpettiş, 

Hamd etüvşi, köp sıylı    

Bîr nezaretşi ökminde,

Biyik maqamga bargan.

 

Eger nepiske qarasa,    

Yani rızıqtı bergen,  

Bizge sonı iqram qılgan

Quday’dı äş oylamay   

Yalgız zavqqa yönasa;  

So tildeki ted duygusı,

Neşe biyik maqamından 

Tömenlerge tüseberip 

Qursaq fabriqasınıñ

Yasaqşı bîr bekşişi,   

Tagı mide tavlasınıñ    

Sıysız qapıcısı bolgan...

 

Qaydey bolsa rızıqtıñ   

Nav qızmetşisi şükür etpese,

Köp tömenge tüskendey;  

Aynı sonday rızıqtıñ  

Asıl aqıyqat beti,

Em basqa hademeler,  

Ullı, biyik maqamlardan  

Tömenlerge tüserler.

 

Käinattı yaratqan  

Allah’tıñ hikmetine    

Zıd, em ası alge,

Barabarşa kirerler...  

 

Endi şükür etkendi,    

Qaytip biliyek desek,   

So şükürdiñ ölşemi:

Qanaat, iqtisat bolgan...

Tagı razılıqqasında,     

Rab’tan mamnünlük bolgan...

 

Şükürsüzlikölşemi:    

Hırs em israf bolgan...

Tagı örmetsizbolup    

Haram halal demeden

Rast kelgendi yev bolgan...

 

İyye hırs, şükürsüzlük     

Bolganı qasında,      

Tagı mahrumlıq sebebi,

Em zilletke sebep bolgan...

 

Atta yamagat hayatınıñ     

İyyesi, mübarek qumusqa,

Sankim hırsı sebebimen    

Ayaq astında ezilgen...

      

Nege desek qanaat etpey,      

Sanede bîr qaş dane

Biydey soga yetiyek ekende,     

Qolından kelse sosı,

Miñler dane yıyıp algan...

 

Güya mübarek bal şıbını,  

Qanaatı sebebimen  

Baslar üstünde uşup

Sosı yahşı, tätli baldı,     

İnsanlarga Rab emrimen

İhsan etip yedirgen...

 

Endi basqa bîr haqıyqat: 

Zat-ı Aqdes Allah’tıñ 

Özini bizge tanıtqan

Eñ üyken atı, Allah     

Atının artından,     

Baska ullı atıRahman,

Rızqımızga qaragan...

 

Rızıqqa şükür bolsa, 

Ol zaman Rahman atınıñ   

Peyizlerine barılgan...

 

Em Rahman atınıñ    

Eñ aşıq bîr manesi:    

Rızıq berüvşi” bolup

Rezzaq manesine kelgen:

 

Soñda basqa bîr aqıyqat,  

Şükür, türlü türlü bolgan...

So şükürlerdiñ eñ keñi,  

Em barı şükürlerdi 

Özi üstinde yıynagan;

En keñ tögeregimen        

Şükürlerdi işine algan, 

Biyik, keñ, ullı şükür,     

Bes vaqıt parz namaz bolgan!

 

Qalgan basqa manelerdi,

Keliyek yuma nasip bolsa,

Aytaberiyek inşallah...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär