Nogayşa 165: Köp sırlı bȋr aşgış: sabır

Bu yuma “KÖP SIRLI BȊR AŞGIŞ: SABIR” baresinde habarlasamız!

Nogayşa 165: Köp sırlı bȋr aşgış: sabır

Nogayşa 165: Köp sırlı bȋr aşgış: sabır

►Nogayşa 165: Köp sırlı bȋr aşgış: sabır

Kitabımız Qur’an’da, 

“İnnallahe maa’ssabirin!

Muhaqqaq Allah’tıñ özi,

 Sabırlılarman barabar!”

 Degen bîr ayet bolgan.

Bu ayettiñ hikmeti,

Tagı em gayası,      

Ne eken?” degen soravga,

Köp üyken bîr alim,     

Nav kepte yavap bergen:

 

Cenab-ı Haq, Hakim atı       

Keregimen, yaratqanı 

Barı zatqa, merdibandıñ      

Basamagınday aynı

Bîr tertippen kezek salgan...

Sabırsız adem bolsa,  

Asıgıp şıqqan üşün,

Ya basamaqlardı atlap,

Oyga tömenge tüsken;   

Yade noqsan taslap

Yogarlarga şıgalmay,    

Maqsatına baralmagan...

 

Ol sebeppen sabırsız,    

Yani hırslı ademler,  

Tilegeni bîr zatqa

Äş bîr zaman yetalmagan...

 

Eger sabır körsetse, 

Sosı sabır bir ademge,  

Qıyınlıqtan, muñunluqtan

Qurtulmaga aşgış bolgan...

Nav sebepten El harisu  

Haibün hasirun,

 Ve’s-sabru miftahul ferec...

Manelerini aytsaq:

Yani hırsqa tüsken adem,     

Är dayim zarar körgen...

Sabır barı muñunlıq,

 Tagı em qıyınlıqtan   

Qutulmaga aşgış bolgan.

Degen üyken aqıyqat,     

Atalar sözi bolgan...

 

Demek Cenabı Haq’tıñ   

İnayeti, kömegi     

Är dayim sabırlı    

Adamlarga bolgan...

 

Ene sosı sabırdıñ       

Em üş türlüsü bolgan:

 

Bîrevi: künalerden    

Özini tartaberip     

Küna islememege

Qatlanılgan al bolgan...       

 

Nav sabır taqva bolgan.

Qur’an’daqı ayette  

Aytılgan kebimen:

“İnnallahe maal müttaqqiyn:

Allah, özinden qorqup 

Künalerden erek turgan

Ademlermen bolgan!”      

Manesindeki sırga 

So ademdi mazhar qılgan...

 

Ekinşi bîr sabır:  

Musibetlerge qarşı    

Sabır etip tavekkülmen,

Teslim bolgan al bolgan...

“İnnallahe yuhibbü’l-mütevekkilin!”  

“İnnallahe yuhibbüs-sabirin!”

Şerepine mü’mindi,  

Ozgaraberip yetkergen...

 

Em de Allah özine   

Tavekkül eteberip  

Sabretken ademlerdi,

Süygülilik maqamına  

Kötergen em aketken...

 

Eger sabır etilmese,   

Sosı al bîr yaqtan     

Allah’tan şiqayet

Manesine em kelgen...

Tagı Haq’tıñ islerini,  

Burunlap, yaman körüp  

Rahmet em hikmetini,

Begenmezlikke bargan... 

 

İyye! bîr musibettiñ  

Tüygüşlegenine qarşı,  

Albet şiqayet kebimen

Aciz em zayıp insan,  

Dayanamay yılagan...

 

Tek şiqayet kelse:         

So şiqayet oga bolsa,

Asla ondan bolmasa,    

Nav al tuvra bolgan...

 

Hazret-i Yakupaleyhisselam’dıñ  

İnname eşkü bessi ve huzni      

İlallah”  degenindey bolsa,

Sosı al yahşı bolgan...   

Yani musibetti Allah’qa   

Şiqayet kerek bolgan...  

 

Yoqsa Allah’tı insanlarga,  

Şikayet etkendey aynı 

Eyvah, av! Men ne ettim de       

Basıma nalar keldi!” 

Dep aciz insanlardıñ         

Ayavına toqansa,

So ademge zarar kelgen...   

Em manesiz is bolgan...

 

Üşünşi bîr sabır

İbadetke sabır bolgan... 

Nav sabır ol ademdi,

Mahbubiyet maqamına  

Yani Allah’tıñ köp süygeni,  

Ullı biyik maqamga

Aketeberip yetkergen...

 

Tagı basqa bîr maqam,

Oñlay qullıqqa taban  

Kämil qullıq maqamına

Kötergen, alıp ketken...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär