• Video galereyası

Nogayşa 163: Oraza (7)

Bu yuma “ORAZA” baresinde söz bardıramız!

Nogayşa 163: Oraza (7)

Nogayşa 163: Oraza (7)

►Nogayşa 163: Oraza (7)

Şerepli ay Ramazan’dıñ  

Orazası, “Quran’dıñ 

Nav dünyaga kelüvine

Qaraytagan betinden;  

Haq Rab’tıñ kitabınıñ 

En mühim tüsken vaqtı

Bolganı sebebimen,”

Bîr köp manelerinden 

Bîr kesegi nav boladı:

 

Madem Quran-ı Hakim,

Mübarek Ramazan’da  

Allah betten yiberilgen;

Sonıñ kelgen vaqtına    

Azirlik bolsun dep;     

Oga örmetimizdi,

Yahşı körsetüv üşün,    

Aspandıñ sözlerini,      

Yani ullı Qur’an’dı,  

Arüv qarşılav üşün;   

Ramazan-ı Şerip’te,     

Nepistiñ aslı tömen 

Barı acatlarından, 

Em malayani allerinden 

Erek qalsaq yahşı boladı.

 

Tagı yev işkendi 

Taslayberip so betten,  

Maleklerge oqşasaq;

Qur’anörmeti üşün,   

Bizge biyik al boladı...

 

Ziyadası so Qur’andı,  

Yañı nazil bolganday  

Bilip, körüp, inansaq... 

Sankim yañı kelgendey   

Oqusaq em tıñlasaq...

 

Atta sosı Qur’an’dı,     

Rasül Ekrem Muhammed’den  

Aleyhissalatü vesselam,      

Esitkendey tıñlasaq...

 

Yade Cebrail Aleyhissam’dıñ   

Aytqanından tıñlasaq...

 

Atta taga ziyadası,  

Hak Quday Rabb’imizdiñ 

Özinden tıñlar alge,

Köterilip baralsaq...

 

Ene sosı allerminen    

ñlaganımızQur’an’man 

Rabb’ımız Haq Allah’tan 

Kelgen peyiz, qaydey bolur,

Aytqanı zor boladı!

 

Nav peyizler astında,      

Em özimiz oqısaq; 

So ilahi sözlerge, 

Biz de köşürüvşi bolsaq;  

Basqalarga tıñlatıp,  

Qur’an’dıñ kökten tüsken     

Hikmetini nav allermen

Bîr darece körsetalsaq,    

Bizlerge neşe ullı,  

Biyik qullıq boladı...

 

Yogardaqı manelerdiñ     

Qasında basqa aqıyqat:

Şerepli ay Ramazan’da

Sankim İslam aleminiñ 

Baresi meşit boladı.

Milyonlarman hapızlar, 

Är bîrevi bîr şekede, 

Nav semavi sözlerdi,

Müminlerge tıñlatadı...        

 

Ene sosı hapızlar,

Är sane orazada,

Şehrü ramazanellezi   

Ünzile fihil Qur’an:      

Nav Ramazanayı bar ya,

So ayda tüsken Quran.

Ayetini, savleli,   

Neşe yarıq bîr keppen     

Barelerge bildiredi...

RamazanQuran ayı 

Bolganını alemge,  

Ispat etip körsetedi...

      

Sosı üyken yamagattıñ     

Sayir basqa ademleri,

So Qur’an’dı alal kepte 

Oquytagan apızlardı,  

Örmetpinen tıñlaydı.

Qalgan basqaları tagı,   

Özi özine oqıydı...

 

Ene sosı kepteki 

Mukaddes meşitte ekende,   

Tömendeki nepistiñ

Avaslarına uyup,   

Orazasını bızıp,      

Yep, işip, nav nurani

Allerden şıqsa insan, 

Äş tiyisli bolmaydı...

 

Artıgı so meşitteki 

Orazasız ademler, 

Yamagattıñ manevi

Gazebine, aşuvına,     

Tusqarılıp qaladı...

 

Nav Ramazan-ı Şerip’te,  

İnat etip avızların 

Baylamagan ademler,

Orazadı tutpaganlar,    

Sav İslam alemini,     

Incıtqanı qasında,

Nepretke sebep boladı.

 

Nav manelermen barabar,  

Bîr yahşı aqıyqat em: 

İlahi Rab Hak’tıñ

Sultanlıgına qarşı, 

Bayramlarda bolganday,

Bîr patşadıñ aldından  

Ötip ketken halqlarday, 

Sosı Rab’tıñ aldından

Oraza qullıgıman   

Ötkeni, yahşı boladı...

 

Mine sosı Ramazan

Alal, arüv, oñ qullarga, 

Eñ parlak, eñ qudsi

Bayram ökmünde boladı.

 

Sözdiñ soñı aytılsa; 

Yemes işpes allermen 

Ayvanlıqtan erek qalıp,

Gapletlerge em tüspey,   

Em paydasız islerden, 

Em zararlı avaslardan,     

Nepisler qol tartsın dep,

Basqa neşe maqsatpan em,     

Oraza biz qullarga,

Rabb’imizden parız boladı...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär