Nogayşa 149: Qartlarga bȋr neşe umut (2)

Bu yuma em “QARTLARGA, BȊR NEŞE UMUT” baresinde söz bardıramız!

Nogayşa 149: Qartlarga bȋr neşe umut (2)

Nogayşa 149: Qartlarga bȋr neşe umut (2)

►Nogayşa 149: Qartlarga bȋr neşe umut (2)

Bîr alimdiñ tilinden

Qartlar üşün aytılgan 

Umut em müjdelerdiñ

Bîr üşünşisi nav bolgan:

 

“Bîr zaman yaslıqtıñ 

Keşesiniñ uyqusından, 

Qartlıqtıñ ertesinde,

Uyanganım zaman,    

Öz özime qaradım:

 

Mine sosı bedenim,  

Qabır yagına taban,   

Bîr enişten yugurganday,

Asıgıp ketipyatır...

 

Niyazi-i Mısri degen     

Üyken valiy yatlavşıdıñ

Yatlavında aytqanday:

 

‘Bîr binaga usagan 

Nav ömrimdiñ är künde  

Bîr tası yerge tüsken. 

Tek yandıñ qabarı yoq!

Binası veran bolgan, 

Özi qabarsız yatqan!’

 

Degen manege usap  

Ruhumdıñ hanası    

Bedenimdiñ är künde,

Bîrer tası tüseberip     

Künden künge yıgılgan...

 

Em meni dünyaga, 

Bek quvvatlı baylagan 

Umutlarım, emellerim,

Üzülmege baslagan...

 

Sosı aller sebebimen 

Neşe doslarımdan men, 

Tagı süygenlerimden

Ayrılıq zamanınıñ   

Hıylı yuvıq bolganını,    

Arüv etip añladım.

 

So manevi, köp teren, 

Em darisiz köringen 

Yaradıñ malhemini,

Qaradım, tabalmadım...

 

Qayta yatlavşı, valiy     

Niyazi-i Mısri’diñ:

 

‘Dîl beqası, Haq fenası istedi mülk-i tenim

Bîr devasız derde düştüm ah ki Loqman bihaber!’

 

Degen sözini añdım:

Tilimiz kepte aytsaq:

‘Köñlüm dayimilik tileydi,

Tek Allah ten mülkimdiñ

Ölgenini tileydi.

Bîr darisiz dertke tüstüm...

 

Sosı dertlerim sebep 

Ah etip iñleymen! 

Lokman Hakimdiñ tagı, 

Şara tabalmaganı,

Em qabarsız bolganı,

Bîr dermansız dertke tüstüm...

 

Yani menim sav yüregim, 

Barı quvvatıman özi,  

Dayimilik tileydi...

İlahi ikmet tagı,  

Sosı bedenimdiñ menim     

Bızılganın tileydi.

Lokman Hakimdiñ bile       

Şara tabalmaganı

Dermansız bîr dertke tüstüm...’

 

Sosı vaqıt bîrdenbîrge, 

İlahi maramattıñ 

Em tili, em misali,

Qabarcısı, timsali,        

Tagı em temsilcisi,

Şanı ullı Paygambar       

 Muhammed Aleyhisselam’dıñ

Savlesi em şefaatı,   

Em bizlerge akelgeni      

Hidayet ediyası,

Sosı sansız, em darisiz     

Zannetkenim yaralarga,

Küşli dari, malhem boldı.

 

Umutsuzlugumdıñ barı,   

Sav qarangı allerini,   

Baresini nurlandırıp

Sav umutqa avdardı.”

 

“Nav avdaruv qaytip bolgan?      

Paygambar Muhammed    

Aleyhissalatü vesselam,     

Qaytip umut, nur bolgan?”

 

Qalgan sosı manelerdi,

Keliyek yuma aytqandı,  

Quday’ımız Haq bizge,  

Nasip qılar inşallah...

 

Savlıqpan qalıñız!

 

Dr. Yusuf ALTINIŞIK

E-mail: alitinisikyusuf@gmail.com



Bäyläneşle xäbärlär