Nogayşa 139: Tört maraz em darisi (1)

Bu yuma “TÖRT MARAZ EM DARİSİ” baresinde habarlasamız.

Nogayşa 139: Tört maraz em darisi (1)

Nogayşa 139: Tört maraz em darisi (1)

►Nogayşa 139: Tört maraz em darisi (1)

İnsanlardıñ qalbine    

Bazı vaqıt tört türlü    

Manevi maraz kelgen:

 

Bîrinşi bîr maraz,       

Ye’s degen al bolgan...

Yani insandıñ bazı     

Ümitini tavisip     

Küşini yoytqan üşün,

Qollarını etken isten       

Tartqan ali ye’s bolgan...

 

Sosı maraz dünyalıq   

İslerde em bolganday,   

Bazı vaqıt manevi

İslerde tagı em          

Kelip yürek biylegen...  

 

Nav marazdıñ qalplerge,  

Kelüvi qaydey eken,  

Em şarası ne eken?

So barede bîr alimdiñ 

Aytqanları nav bolgan:

 

“Ey adanas, Haq yolında,

Emirlerdi etpegen,

Yasaqlardan qaşpagan,

Amelden em tagattan,   

Etalmay kerüv qalgan,  

Avvel azaptan qorqar:

‘Men mundan soñ belli 

Qutulamam äş ottan!’  

Dep ümitin yoytar!

 

Sosı alde Quday’ga  

Qaytalmasa nav insan,

Şaytan’dıñ yardamıman

Nepsi sonı aldatsa;   

Süytübine bîr alge     

Tüsken insan esine,

Din baresine teris      

Köp tömen, em arıq    

Bîr işaret, oy kelse,

Sonın közinde sosı,    

Üyken delildey bolgan!  

 

Ene sonday bîr eki,     

Art artqa oy kelse,    

İşindeki köp arıq

Şüpheler em qosulsa,  

Sosı adem soñında,  

Allah’qa isyan etip   

İyman tögereginden şıgar!

So isyanıman ol insan,       

Müslimanlıqtı taslap 

Şaytan ordusuna qosular!

 

Künalerin köp körüp  

Qurtulgandan ümitini   

Üzeberip soñında

İslam’dan şıqqan insanga,   

Sosı alim dep aytqan:

 “Ene sonday bîr  alge 

Tüsken bolsa bîr insan,   

Nav ayetti eslesin:

 ‘(Ey Paygambar Muhammed!-as-    

Sen insanlarga navdı) ayt!

‘Ey künalermen yoldan şıgıp

Özi nepislerine,

Zulüm etken qullarım!

Allah’tıñ rahmetinden 

Ümitinizdi üzbeniz! 

Muhaqqaq Allah sizdiñ

Neşe künaniz bolsa,    

Baresini keşirer! 

 

Äş şüphe yoq em Allah,      

Köp maramatlı bolganday,     

Em keşirivşi bolgan!”

 

Nav ayet, em sözlerden  

Añlaganımız bizim, 

Allahküna islegen

Qaysı qulı bolsa bolsun,     

Eger özine bîr ortaq,

Qospasa sosı insan,     

Neşe künasi bolsa,     

Baresini ol Quday,      

Äş qalmay keşirgen!

 

Künasini köp körüp   

Qaytalmay qalgan qulga,

Nav ayetpen Rab Allah,  

Bek üyken müjde bergen...

 

So sebepten kim bolsa,  

Künasi neşe bolsa,  

Tövbe etip ol Rab’qa

Qaytqanı en tuvra         

Em kerek yol bolgan.. .

 

Basqa marazlar ne eken,    

Darileri em bar ma eken?

Keliyek yuma İnşallah     

Aytqandı bizge Allah,      

Nasip qılsın qaytadan...

 

Savlıqpan qalıñız...

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär