Nogayşa 133: İymandan kelgen tınşlıq (7)

Bu yuma tagı “İYMANDAN KELGEN TINIŞLIQ” baresinde habarlasamız...

Nogayşa 133: İymandan kelgen tınşlıq (7)

Nogayşa 133: İymandan kelgen tınşlıq (7)

İymandan bizge kelgen,   

Tınışlıqtan qabar bergen

Keñ maneli sözlerdiñ   

Toquzınşısı nav bolgan:

 

 Biyedihilhayr:

 

Är qayır Quday qolında,    

Är qayır onuñ bolgan...

İslengen barı qayır,     

Onun depterine ötken.

Är islengen iygilik,       

Sonıñ qasında yazılgan...

 

Mine sosı kelime,  

Jinlerge em insanlarga,   

Tavislep müjde berip

Nav sözlerdi em aytqan:

Ey ölüp ketkenge     

Şare tappas insanlar!

Qabirge köşgen vaqıt:

“Eyvah, malımız yoq bolup 

Barı qullıqlarımız, 

Bos bosına ozıp ketken... 

Nav gözel, keñ dünyadan      

Ketip tar bîr topraqqa

Kirdik!” dep aytpañız!  

Qışqırıp yılamanız!

Qaygılarga tüspeniz!

 

Nege desek sizlerdiñ  

Är zatınız saqlangan...

Är isiniz yazılgan...

Etken qızmatlarınız,     

Baresi em qayıt bolgan...

 

Qızmatlardıñ qarşılıgın 

Beriyek so Rabb’ınız;

Barı qayır qolında;   

Är qayırdı etalıyaq    

Calallı Kuday’ınız;

Sizdi qasına şaqırıp   

Yer astında muvaqqat,    

Ozıvşı bîr vaqıt,    

Sosı yerde turdurup    

Soñda divanga alıyaq...

     

Neşe şatlıq mine sizge!  

Barı qızmatınızban    

Vazipedi tavistiniz...

Qıyınlıqtıñ soñı kelip 

Rahatqa em rahmetke,  

Ali ketip barasınız...

 

Qızmat, qıyınlıq bitti;  

Qarşılıgın almaga 

Endi yetip barasınız...

 

Körilgen bîr aqıyqat em;

Ötip ketken bahardıñ 

Depteriniñ bîr yazısı,

Em qızmatlarınıñ  

Kişkenekey sandıqları,  

Togımman şekirdeklerdi

Saqlagan köp küşli,   

Calal iyyesiAllah

Ekinşi bîr baharda, 

Qaydey gür etip sonlardı,   

Yüz derece aslından  

Taga bereketli kepte,  

Qaytadan yanlandıradı...

Yañıdan östirip sonlardı;   

Yer üstine şıgarıp

Är yaqlarga dagıtadı...

 

Calal iyyesi Kuday,

Albette sizin tagı,

Yaşavınızdaqı barı,   

Qazanganlarınızdı,   

Süytübine saqlaydı...

 

Togımlardı qaytadan, 

Äş bîrevini em mıtpay, 

Baresini topraqtan

Är bîrevini şıgarganday 

Sizdi tagı qabrinizden

Aynı süytüp şıgarıyaq...

 

Barı qızmatıñızdıñ     

Qarşılıgını tagı     

Taga ziyada etip

Sizge qayta beriyek...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär