Qazaqstan Üzbäkstanğa xärbi caylanma sataçaqmı?

Törki dönya xäbärläre 46

Qazaqstan Üzbäkstanğa xärbi caylanma sataçaqmı?

 “Qazaqstan ASELSAN” êksport mäydanın kiñäytä

“Qazaqstan ASELSAN Engineering” (KAE) Ğomum mödire Tarık Ziya Kaboğlu Törkiyädän çittä berençe tapqır törki cömhüriyätlärdän Üzbäkstanğa êksport yasayaçaqların, êşlänmälären Üzbäkstan ğaskäre sınap qarağannan soñ êksportnıñ artaçağın uylawların äytte.

“KAE”neñ êşçänlegen “Anadolu” agentlığına bäyäläwçe Kaboğlu 2011nçe yılda Qazaqstan belän Törkiyä urtaqlaşıp tözegän “KAE”neñ 2013nçe yılnıñ dekabr’ ayında 44 million dollar külämendä kapital belän êşçänlegenä başlawın belderde.

Kaboğlu Astana irekle iqtisad töbägendä 75 meñ kvadrat metr öste açıq mäydan östendä 8 meñ 500 kvadrat metr öste yabıq mäydanda urnaşqan “KAE” êşxanäsendä kapital salu miqdarınıñ 4 yılda 50 million dollarğa citüen äytte.

Häm strategik häm dä säwdä oyışması bulğan “KAE”nıñ 10 yıllıq êş planı qısalarında Qazaqstanda texnologik maqsatların tormışqa aşıruların äytep uzuçı Kaboğlu: “Bez äzerlägän yul kartasın Qazaqstan saqlanu ministrlığı rasladı. Alarnıñ kontrole häm yaqlawı belän xäzerge waqıtta proyektlarıbız uñış birü êtabına kilep citte”, - dip assızıqlap äytep uzdı.

Qazaqstan İlbaşı Nursoltan Nazarbayevnıñ 2020nçe yıl strategik maqsatlarınıñ Qazaqstan êşlänmäläreneñ çit ilgä êksportlanıluın üz êçenä aluına iğtibarnı yünältüçe Kaboğlu Üzbäkstan armiyasınnan zakaz aluların belderde.

Törkiyä-Azärbaycan cirle xakimiyätläre xezmättäşlege

Törkiyäneñ Adana şähär xakimiyäte başlığı häm Çukurova cirle xakimiyätlär berlege başlığı Xösäyen Sözlü citäkçelegendäge wäkillek Azärbaycanda oçraşular ütkärde.

Törkiyä qunaqları oçraşuları qısalarında Azärbaycan şähär xakimiyätläre berlege wäkilläre belän küreşte.

Azärbaycan şähär xakimiyätläre berlege başlığı Temraz Tağıyev cıyılışta yasağan çığışında härwaqıt här mäs’älädä qardäş il Törkiyäneñ yaqlawın xis itülären äytte.

Adana şähär xakimiyäte başlığı Sözlü dä Azärbaycannıñ här uzğan kön sayın qamilläşep, üsep kiläçäkkä köçle adımnar belän baruın belderde.

Sözlü: "Törkiyäneñ köçe Azärbaycannıñ, Azärbaycannıñ köçe Törkiyäneñ köçe. Xezmättäşlegebezne tağın da üsterep tağın da nıq nigez östenä salırğa tiyeş bez. Säwdä qılmasaq, mädäniyät êlemtälärebezne üstermäsäk, xezmättäşlegebez ber närsä dä çağıldırmas”, - dip äytte.

Çığışlardan soñ Tağıyev häm Sözlü  Çukurova cirle xakimiyätlär berlege belän Azärbaycan şähär xakimiyätläre berlege arasındağı xezmättäşlek protokolına qul quydı.

Törkiyädä Törekmänstan studentları

Törekmänstannıñ Änkara tulı wäqalätle ilçese İşankuli Amanlıyev Qarabük universitetında belem aluçı Törekmänstan studentları belän oçraştı.

Amanlıyev İlahiyät (teologiya) fakul’tetınıñ konferenśiya zalında yasağan çığışında Törekmänstan uquçı yäş’läre belän oçraşudan şat buluın äytte.

Qarabük universitetınıñ matur yuğarı uqu yortı buluın assızıqlawçı Amanlıyev: “Bezneñ biregä kilüebezdäge maqsat bar närsädän êlek sezneñ belän häm Qarabük universitetı belän tanışu, xällärne beleşü, ilebezdä bulıp uzğannar, Däwlät başlıqlarınıñ alıp barğan däwlät säyäsäteneñ üzençäkläre turında süz alıp baru. Ayıruça biredä belem aluçı Törekmänstan watandaşları häm uquçı yäş’läre /nindi problemalar belän oçraşa, alarnı beleşü”, - dip äytte.

Amanlıyev ayıruça studentlarnı Törekmänstan bäysezlegeneñ 26 yıllığın qotladı.

Qarabük universitetı rektor urınbasarı professor doktor Ali Günäş tä, universitetta 358 Törekmänstan studentınıñ buluın belderep: "Törekmänstan uquçı yäş’läreneñ biredä buluınnan bik şatbız. Berlek, berdämlek häm qardäşlegebez barı tik mäğarif belän genä qalmıyça, tağın da zurraq xezmättäşlekkä, zur duslıqlarğa cilkän açaçağın ömet itäm”, - dip äytte.

Üzbäkstandağı mäçetlärdä reproduktorlardan azan äytelä başlandı

Üzbäkstan möselmannarı dini idaräsennän mäs’älägä qağılışlı belderü yasalmadı, läkin cirle matbuğatta çıqqan xäbärlärdä başqala belän ber rättän ilneñ başqa töbäklärendä dä azan äytelgän çaqta reproduktorlarnıñ qullanıluı äytelde.

İke meñnän kübräk mäçet urnaşqan Üzbäkstanda moñarçı barı tik Ramazan häm Qorban bäyrämnäre belän tärävix namazlarında azan äytelgän yäisä Qor’än-ı Kärim uqılğan çaqta ğına reproduktor qullanıla ide. Başqa waqıtlarda monıñ öçen reproduktor qullanılmıy, azan tawışın barı tik mäçetlärneñ êçendä işetergä bula ide.

Çığanaq: “Anadolu” agentlığı



Bäyläneşle xäbärlär