29 nçı oktyabr’ – Cömhüriyät bäyräme

29 nçı oktyabr'dä Törkiyä Cömhüriyäte tözelüneñ 94 yıllığı bilgeläp ütelä

29 nçı oktyabr’ – Cömhüriyät bäyräme

Bügen Törkiyä Cömhüriyäte tözelüneñ 94 yıllığı bilgeläp ütelä. Törkiyä Cömhüriyäte 1923 nçe yılnıñ 29 nçı oktyabrendä qorıldı. Ğosmanlı imperatorlığınıñ berençe Bötendönya suğışında ciñelüe häm il cirläreneñ ciñüçe dawlätlär tarafınnan talap alınuı ildä borçu tudırdı.

Kuvay – ı Milliye bularaq oyışqan häm Mostafa Kämal Atatörek citäkçelegendä berlaşkän milli köçlär Azatlıq suğışına kereşte. Töreklär küpläp yäşägän töbäklär Törkiyä çige bulıp qalırğa tiyeş fikere belän yulğa çıqqan köräş näticäsendä 1922 nçe yılnıñ 30 nçı avgustında  Särğaskärlek  mäydan suğışı qazanılıp yawlap aluçı köçlär bügenge Törkiyä cirlärennän çığarıldı.

Tınıçlıq söyläşüläre belän basıp alınğan İstanbulnı qotqaru, annan soñ tormışqa aşqan Lozanna tınıçlıq kileşüe belän Ğosmanlı imperatorlığı tarix säxnäsennän sörtelde häm anıñ urınına ör yaña Törkiyä Cömhüriyäte tarixtağı üz urının aldı. 1923 nçe yılnıñ 29 nçı oktyabrenä qadär däwam itkän söyläşülärdän soñ Cömhüriyätne iğlan itü häm Änkaranıñ başqala buluı böten dönyağa citkerelde.

Cömhüriyat bäyräme qotlanğan bu köndä berence çiratta tanılğan lider Mostafa Kämal Atatörek bulu belän bergä barlıq milli köräş qaharmannarın xörmät belän iskä alabız.



Bäyläneşle xäbärlär