Nogayşa 126: Saqlavşı Hafiz Allah (2)

Bu yuma em“SAQLAVŞI HAFİZ ALLAH” baresinde habarlasamız!

Nogayşa 126: Saqlavşı Hafiz Allah (2)

Nogayşa 126: Saqlavşı Hafiz Allah (2)

Hak Rabbımız Allah’tıñ  

Togımlarga yan berip 

Sosınlardı baharda,

Qaytadan tiriltip,

Bizlerge em körsetkeni,

Quday’dıñ saqlavınıñ 

Miñler mucizesi bolgan.

 “Qaytip boladı?” desek 

Bîrbirine usagan 

Togımlardıñ baresi,

Äş bîrevi qarıspay  

Bîrbîrinden ayrılgan.

 

Misal bolsa nav togımcıq, 

Incır teregi bolgan.

Hikmetli Yaratuvşı’dıñ

Nimetlerini bizge,    

Bas üstünde turup    

Dagıtpaga baslagan.

Yahşı meyvalarını,     

Üstlerimizge şaşqan.

Talları, aynı qolday    

Baremizge sozulgan.

 

Ötken misalde aytılgan, 

Mine nav suvretleri   

Bîrbîrine usagan   

Eki togım taga em, 

Künaylan em manekşe   

Şeşekeyleri bolgan.

Bizim üşün bezenip;  

Betlerimizge külüp    

Özlerini süydürgen...

 

Basqa togımlar tagı,

Neşe meyvalar bergen!

Yahşı tät, qoqıman,

Em yarasıq kebimen 

İştahımızdı aşqanlar.    

Özlerini yemege,

Bizdi davet qılganlar. 

“Qonaqlardı razı etip,  

Özleri em ölgenler...

Bizim razılıgımızga      

Özlerini yoq etkenler.

 

Süytüp tömen martabeden     

Yogarlarga şıqqanlar;

İnsan yade ayvanlıq    

Darecesine ozganlar...

 

So şaşılgan togımdıñ

Bazısı sünbül bolgan. 

Bazıları tagı em,  

Neşe türlü terek bolgan...

 

Soñda körgenimiz bizim,    

Sosı bîr uvıs togım,

Ya türlenip terek bolup,

Ya neşe şeşek bolıp 

Baqşa ökmine ötken..

İşlerinde bîr yañlış 

Bîr qusur bolmay barı, 

Quday’dıñ ayetinde:

“Közindi avdar soga,     

Äş bîr şatlaq köresinme?”

 Degen manedeki sırdı,     

Sosı almen körsetken...

 

Är bîr togım Quday’dıñ 

Hafiz atı tecellisi, 

Em bîr nimeti bolup,

Sankim ata aslının 

Malından oga tüsken    

Bîrer varesesi bolup

Äş qarıspay, qarıstırmay, 

Tagı äş eksik bolmay,

Qasiyeti ne bolsa    

Saqlap bizge körsetken...

 

Aslı meyva bolsa meyva, 

Aslı ölen bolsa ölen, 

Ya şeşekey ne bolsa,

Aslının aynısı,  

Bolaberip köringen.

Ene sosı qızıqlı,    

Azamatlı saqlavdı,     

Qayta qayta yaratıp

Barı nav togımlarman 

Körsetken Hak Allah

Saqlavşı Hafiz Allah,

Sosı saqlav baresinde, 

Ahirette tagı em    

Taga azamatlısını,

Bizge körseteyigine  

Mine nav togımlardı,   

Bîrer işaret qılgan!..

 

Ene sosı körgenimiz   

Tömen orınlarda tagı,    

Em ozıvşı allerde,

So darece qusursuz,  

Em yañlışsız saqlavdıñ 

Neşe misalleri bizge,

So alamat allerimen 

Üyken derslerdi bergen...

 

Qaytip boladı desek;

Nav insandıñ qıymatı,

Neşe darecelerge bargan...

Em özine köp avır,  

Üyken amanat yüklengen...

Dünya halipesi bolup

Yanvarlarman ösimlikke,     

Em dünyaga sözi ötken...

 

So darece sıylangan  

Nav qıymatta ademdiñ 

Qollarından şıqqan

Barı etken isleri,  

Yasagan eserleri,   

Em de aytqan sözleri,

İygiligi, yamanlıgı 

Hesabı körilsin dep 

Köp dıqqatpan saqlangan.

 

Acaba nav insan,  

Zanneterme äş özi   

Basıbos bolup qalsın?

Barı terek şeşekti, 

Togımlarda saqlagan, 

Äş bîrevini yoytpagan

Küşi sonsız Rab Allah,   

Nav qıymattaqı insandı,

Yoytaberip em mıtsın?

 

Nav aqıyqattan şıqqan mane;    

Aslında nav insan,

Abed üşün yaratılgan.       

Qabirge tüsken soñ 

Aynı togım tirilgendey     

Tiriliyek qaytadan...

 

Ya abadi şat bolup  

Ya qıyınlıq köriyek...

Kişkey üyken är isinden

Hesapqa tartılıyaq...

Ya hoşlıq tabıp özi,  

Yade toqat yiyiyek...

 

Hafiz bolgan Allah’tıñ 

Saqlavşılıq isine, 

Em eñ basta aytılgan

Ayetteki manege, 

Şayitler had hesapqa     

Kelmiyek darecede

Köp bolup yaratılgan... 

 

Nav aytılgan maneler, 

So barede bilingen 

Manelerdiñ qasında, 

Deñizden bîr tamşıq,

Tagı tavdan zarre bolgan!..  

                 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär