Törki tarix öçen möhim tabıldıqlar

Törki dönya xäbärläre 39

Törki tarix öçen möhim tabıldıqlar

 

 

Qazaqstan

 

Qazaqstan ilbaşı Nursoltan Nazarbayev Törekmänstanğa säfär yasadı.

Nazarbayev 5 nçe Aziya uyınnarın açu tantanasına kilgäç Törekmänstan ilbaşı Gurbanguli Bärdimöxämmädov belän küreşep söyläşte.

Qazaqstan ilbaşı idaräse beldergänçä, oçraşuda Bärdimöxämmädov 5 nçe Aziya uyınnarın açu tantanasında qatnaşunı qabul itkän öçen Nazarbayevqa räxmätlären citkerde.  

Gurbangulı Bärdimöxämmädov 64 il qatnaşuçı uyınnarnıň bergälek häm teläktäşlek kürsätkeçe buluın belderep,  BMO nıň teläge belän qaçaqlardan torğan  65 nçe il bularaq kürsätelgän komandanıň da qatnaşuın belderde.  

Nursoltan Nazarbayev isä Törekmänstanda xalıqqa xezmät kürsätüçe küp sanda sport qorılması tözelüenä basım yasadı.

Mondıy çaralarnıň Törekmänstannıň dönyada tağın da yaxşıraq tanıluına mömkinlek tudıraçağın beldergän Qazaqstan ilbaşı Nazarbayev Qazaqstanda da bıyıl 28 nçe Bötendönya qışqı universiada uzuın xäterlätte.  

Nursoltan Nazarbayev soňraq 5 nçe Aziya uyınnarında qatnaşuçı Qazaqstan cıyılma komandası belän oçraştı.

 

 Üzbäkstan

 Üzbäkstan tışqı êşlär ministrı Abdulaziz Kamilov Üzbäkstanda tözeläçäk İmam Boxari isemendäge fänni tikşerenü üzäge häm İslam ŝivilizäŝiyäse üzägenä yärdäm itärgä äzer buluın beldergän Törkiyägä räxmätlären citkerde.

Kamilov milli televideniye kanalına yasağan belderüendä Üzbäkstan ilbaşı Şäwkät Mirziyayev belän Törkiyä ilbaşı Räcäp Tayyip Ärdoğannıň Qazaqstan başqalası Astanada uzğan İslam xezmättäşlek oyışmasınıň fän-belem häm texnlogiya sammitı qısasında küreşep söyläşülären belderde.

Oçraşuda Sämärkandta İmam Boxari isemendäge fänni tikşerenü üzäge häm Taşkentta İslam ŝivilizäŝiyäse üzäge tözü turındağı fikerlär citkerelüen beldergän Üzbäkstan  tışqı êşlär ministrı Abdulaziz Kamilov ,Törkiyäneň bu êşçänleklärgä yärdäm itäçäge turında belderüen häm Üzbäkstannıň da räxmät äytüen citkerde.

Kamilov Üzbäkstan ilbaşı Şäwkät Mirziyayevnıň oktyabr’ ayında Törkiyägä räsmi säfär yasayaçağın , säfär qısasındağı söyläşülärdä ike il mönäsäbätlären üsterü xaqında süz baraçağına basım yasadı.

Älege säfärgä qadär illär arasında iqtisad häm kapital salu tarmaqlarında ike yaqlı kileşülär äzerlänäçägen beldergän Üzbäkstan tışqı êşlar ministrı säfär waqıtında yaňa zur külämle proyektlarnıň da kön tärtibendä bulaçağın citkerde.

 

Urtaq törki  tarix

Xalıqara törki akademiya başlığı Darhan Kıdırali "Kentaydan Olıtawğa :tarixi xäterneň yaňaruı” isemle arxeologik êşçänleklär qısasında törki tarix öçen möhim mäğ’lümatlarğa ireşülären belderde.

Kıdırıali “Anadolu” agentlığı xäbärçesenä yasağan belderüendä Mongoliya xökümäte häm muzeyı belän tözelgän kileşü qısasında Mongoliyanıň êlegräk tikşerelmägän Şivät Ulan töbägendä arxeologik qazu êşläre başlatuların citkerde.

Şivät Ulan kölliyäte ğibadätxanäsendäge qazu êşlärendä küp sanda tabıldıq tabıluın beldergän Kıdırali bolay dip citkerde:”Qazu êşlärendä Şivät Ulannıň İltäriş kağan waqıtında,670-691 nçe yıllarda yäşäwen bilgelädek. Bügenge köngä qadär yabıq bulğan häm tikşerenülär ütkärelmägän Kerulen töbägendäge qazu êşlärendä törki tarixnı çağıldıruçı yaqınça 20 äyber tabıldı”.

Tabıldıqlar östendä biofizik tikşerenülär alıp barıluın beldergän Kıdırali törki tarix öçen möhim adım yasaluın, çönki êlegräk ul cirlärdä törki tarix öçen material bulmawı turında äytelüen assızıqadı.

Xalıqara törki akademiya başlığı Darhan Kıdırali Kentayda Çıňğız xannıň tuğan cire Borxan Xaldunnan Olıtawdağı Alaşa xan,Juci xan törbä - yädkärleklärenä qadär töbäktä 1 aylıq arxeologik säyäxät oyıştıruların belderde.

Olıtawda Altın Urdağa nigez saluçı Batu häm anıň ätise Cocu xannıň qaberlärenä baruların , maqsatlarınıň Awraziya däwläte Altın Urdanıň ähämiyätenä basım yasaw buluın citkerde.

Darhan Kıdırali säyäxättä aralarında Törkiyä dä bulğan 10 ildän ğalimnär qatnaşuın belderde. Kıdırali :”Altın Urda İslam däwereneň başlanğıçı bulıp isäplänä. Olıtaw ike ŝivilizaŝia totaşqan urın”,-dide.

 

 



Bäyläneşle xäbärlär