Tatarstanda Bolğar İslam akademiyası açıldı

Törki dönya xäbärläre 37

Tatarstanda Bolğar İslam akademiyası açıldı

 

 Tatarstan

        Tatarstanda yaňa açılğan Bolğar İslam akademiyası uquçı yäş’lär qabul itä başladı.

Akademiyada oyıştırılğan açılış tantanasında Tatarstan ilbaşı Röstäm Miňnexanov,Rusiya Federaŝiyäse ilbaşınıň İdel buyı töbäge wäqalätle  wäkile Mixail Babiç, Tatarstan parlament başlığı Färit Möxämätşin,Törkiyäneň Qazandağı baş konsulı Turhan Dilmaç,İslam tarix,sänğät’ häm mädäniyat tikşerenüläre üzäge (IRCICA) ğomum direktorı Halit Ärän,Rusiya möselmannarınıň Üzäk diniyä näzaräte räise Tälğät’ Tacetdin,Rusiya möftilär şurası başlığı Rawil Ğaynetdin, Tatarstan Cömhüriyäte möftiye Kamil Sämiğullin,küp sanda ministr häm xalıq ışanıçlıları qatnaştı.

Tatarstan ilbaşı Röstäm Miňnexanov açılış tantanasında yasağan çığışında Rusiya Federaŝiyäse ilbaşı Vladimir Putinğa akademiya tözügä kürsätkän yaqlawları uňayınnan räxmät äytep ,akademiya açılunı Rusiya häm Tatarstan öçen tarixi waqiğa bularaq bäyäläde.

Rusiya Federaŝiyäse ilbaşınıň İdel buyı töbäge wäqalätle  wäkile Mixail Babiç Rusiya ilbaşı Vladimir Putinnıň akademiya açılışına cibärgän qotlaw yullamasın uqıdı.

Akademiyanıň Rusiyädä mädräsä häm universitettan torğan ike êtaplı dini belem birü sistemasınıň öçençe basqıçın täşkil itäçägen beldergän Babiç bügenge köngä qadär Rusiyädä mondıy belem birü sistemasınıň bulmawın, Rusiya möselmannarınıň monnan soň çit illärgä kitimiçä üz illärendä iň yuğarı däräcädä dini belem alu mömkinlegenä iyä buluın citkerde.

Törkiyäneň Qazandağı baş konsulı Turhan Dilmaç “Anadolu” agentlığına yasağan belderüendä Bolğar İslam akademiyasınıň oyışma bularaq ta, urını yağınnan da simvolik ähämiyätkä iyä  buluın belderde. 

Dilmaç:”Bolğar şähäre – törki xalıq täwge tapqır möselmanlıqnı qabul itkän şähär. Bu akademiya Rusiyädä ixtıyacnı qanäğät’länderäçäk dini belem birü oyışması bulaçaq. Törkiyä dä Bolğar akademiyası belän xezmättäşlek başqaraçaq”,-dide.

İslam tarix,sänğät’ häm mädäniyat tikşerenüläre üzäge (IRCICA) ğomum direktorı doktor Halit Ärän Bolğar İslam akademiyası kitapxanäsenä İslamiyätneň berençe ğasırında basılğan Qor’än Kärimneň original’ basmasın büläk itte.

Akademiyağa 2017-2018 nçe yılğı uqu yılı öçen 100 keşe möräcäğät’ itkän bulsa da dini belem birü yortına 36 keşe alındı.

 

Qazaqstan

14-15 nçe sentyabr’ könnärendä Qazaqstan başqalası Astanada Süriyä temalı cıyılış uzaçaq.

 Bu xaqta Qazaqstan tışqı êşlär ministrlığı belderde.

Ministrlıqtan yasalğan yazma belderüdä cıyılışta bäreleşsez töbäklardäge iminlek köçläreneň êşçänleklären küzdä totuçı dokumentlarnıň qaralaçağı häm İblibta kontrol’ köçläre buldıru belän bäyle êşçänleklärneň däwam itäçäge citkerelde.

Qatnaşuçılarnıň İdlib, Xoms häm Könçığış Guta töbäklärendäge bäreleşsez töbäklärneň çiklären bilgeläyaçäge belderelgän belderüdä koordinaŝiya üzäge,saq astındağı keşelär häm äsirlärne irekkä cibärü belän bäyle urtaq êşçänlek törkeme, cenazalarnı tapşıru häm yuğalğan keşelärne êzläw belän bäyle xökem proyektınıň da raslanaçağı belderelde.  

Belderüdän kürengänçä, yaqlar cıyılışta Süriyädä YUNESKOnıň mädäniyat mirası isemlegendäge töbäklärneň  minalardan çistartıluı xaqında belderge qabul itäçäk.

Garant illär Törkiyä, İran häm Rusiya 13 nçe sentyabr’dä texnik söyläşülär ütkäräçäk. 

4-5nçe iyül’ könnärendä uzğan 5 nçe Astana cıyılışında bäreleşsez töbäklär belän bäyle urtaq êşçänlek törkeme buldıru häm söyläşülärne däwam itterü qararına kilengän ide.

 

Tatarstan

Tatarstanda 13 nçe Xalıqara Qazan möselman kinosı festivale tantanalı räweştä başlandı.

Qazandağı “Piramida” mädäniyat häm küňel açu üzägendäge tantana qatnaşuçılarnıň qızıl kelämnän uzu ŝeremoniyäse belän başlanıp kitte.

Tatarstan ilbaşı Röstäm Miňnexanov açılış tantanasında yasağan çığışında festival’neň yıldan yıl tağın da kübräk iğ’tibar cälep itüen belderde.

Festival’dä Törkiyäne qısqa metrajlı fil’m nominaŝiyäsendä wäkillek itkän “Divar” fil’me rejisserı Mostafa Koray Polat Qazanğa berençe tapqır kilüen häm bu festival’dä qatnaşudan bik qanäğät’ buluın citkerde.

Polat “Divar” fil’meneň balaları belän Törkiyädä yäşäwçe süriyäle xatınnıň xikäyäsen aňlatuın belderde.

Festival’dä Törkiyädän şulay uq Abdulgafur Şahinnıň “Çönki ğıyşıq”,Mostafa Karanıň “Kalandar suığı”,Mäxmät Başaknıň “Êlekke matur könnärneň azağı” fil’mnäre dä qatnaştı.

”Sivilaŝiyälär dialogınnan dialoglar ŝivilizäsiyäsenä “şiğäre astına uzğan festival’neň bıyılğı programmasında 27 ildän 60 fil’m qatnaştı. Festival’neň maqsatı – cämğiyät’lärgä İslam häm möselmannar xaqında döres mäğ’lümat birü häm ob’yektiv fikergä iyä buluları. Festival’ 11 nçe sentyabr’dä tögällände.

Möxtäram tıňlawçılar, “Törki dönya xäbärläre” tapşıruınıň bügenge çığarılışı axırına yaqınlaştı. Kiläse tapşıruda küreşkängä qadär isän-imin bulığız.

 



Bäyläneşle xäbärlär