Nogayça 121: Yamagatpan namazdıñ bır sırrı (2)

Bu yuma em “YAMAGATPAN NAMAZDIÑ BIR SIRRI” baresinde habarlasamız...

Nogayça 121: Yamagatpan namazdıñ bır sırrı (2)

Nogayça 121: Yamagatpan namazdıñ bır sırrı (2)

Yamagatpan namazdıñ  

Sırları baresinde 

Bîr alimdiñ aytqanı

Teren yahşı bîr manege

Bu yuma tagı em  

İnşallah davam qılamız... 

 

Aytılganlardıñ özi,  

Nav kepte bolgan edi:  

Bîr adem bîr meşitte

Namaz qılganı vaqıt,   

So meşitte bolganlar,   

Onun aytqanlarını

Tuvralavşı, tasdikşi   

Bolaberip baresi,  

Namaz qılgan so ademdiñ

İymanına nav almen    

Hıylı quvvat bergen edi!

 

Soñda meşit üykenleşip   

So şaardiñ baresi   

Meşittey bolgan edi.

 

Bîr martaba taga em    

Köterilgen manemen   

Sav dünya bîr meşit

Ökmine ötkenge,   

So darece bîr quvvat      

Berip sosı müminge,

Onı yalgızlıqtan qutarıp      

Milyarlarşa müminler,

Soga arqav şıqqan edi...  

 

Ene sosı oydan soñ,  

Bîr martabe taga em,   

Ol alimge aşılgan...

Aytqanlarına alim,        

Nav kepte davam qılgan:

“Özim işinde turganım    

Sav dünyadı qaplagan

Üyken yamagat soñda,   

Üş tögerekke ayrıldı:

Tögerektiñ birinşisi,  

Müminlerdiñ baresiniñ

Sav dünyadı tolturgan  

Üyken yamagatı boldı.

 

Ekinşi bîr tögerek,

Barı yaratılgan maqluqlar,

Ta yıldızlardan baslap

Zarrelerge bargaşe  

Sankim üykennamazda,

Köp azamatlı tespikte;  

Etkenleri ispinen,   

Özleriniñ tilimen,  

Vazipesi ne bolsa,  

Etken vazipesimen    

Namaz, tespikte kördüm.

 

So maqluqlardıñ etkeni, 

Neşe vazipe bolsa,  

Qaysı qızmattı körse,

İbadeti so bolganga 

Men de barı mahluktıñ      

İbadeti arasına

Namazımman qosuldum.

 

Sosı alden hayret etip 

Allahü ekber” sözimen

Allah en üyken” dep

 Basımdı oyga iydim.

Özim tenimde tagı   

Üşinşi bîr tögerek   

Bîr yamagat taga kördüm:

 

Tıstan qarasam özime,  

Kişkeney bîr zatpan...

Tek barı tenimdi,

Neşe vazipelermen 

Sansız tagatta kördüm...

Zarrelerim qasında,

Tagı barı müşemdi,  

Bîr köp ibadette kördüm.

Taypa taypa baresi,  

Qullıq vazipesimen    

Allah’qa şükürler

Etkenlerini kördüm.

Qalbime salıngan   

Latipe-i Rabbaniye  

Degen teren duygumdıñ

Barı sosı ibadetti,   

İyyake nabüdü,      

Ve iyyake nestaıyn:

Tagatımız yalgız saga, 

Yalgız senden kömek

Tilermiz ey Rabbimiz!” 

Degen Kur’an sözimen, 

Tenimdeki yamagat 

Atına  Quday’ga 

Sunganını kördüm.

 

Tilim tagı burungıda, 

Avvel eki yamagat  

Atına aynı sözdi,

Quday’ga sungan edi.

 

Ene sosı alde ekende    

Bîrden Quran-ı Hakim’diñ

Köşirivşi, aytuvşısı   

Rasül-i Ekremaleyhisselamdıñ

Medine-i Münevvere   

Degen manevi minberde,  

Hutbeokıv yerinde

Sosı ullı maqamında    

Manevi zatıman    

Haşmet em azamatpan

Barı halqqa aytqanı  

Ey insanlar Rabbınızga     

İbadet etiniz!

Degen Kuday emrini,   

Men de manevi betten    

Är kimdey em esittim.

Tagı üş yamagattıñ   

Arasına qosılıp    

İyyake nabüdü:  

Ey Rabbimiz biz tagı 

Yalgız saga ibadettemiz”  

Degen sözben qarşılıq 

Bergenimdi hayal ettim!

 

So alimdiñ aytqanı,  

Yogardaqı nav sırdı,   

Yamagatpannamazga

Rabb’imiz özi salgan... 

 

Sosı manelerdi eger,  

Esimizge, qalbimizge  

Tap manemen quyalsaq 

Yamagatpan namazda      

Neşe peyizlerdi bizge, 

Rabbimizdiñ beriyegine    

Tap yürekten inanamız.

 

Tagı Kuday’ga duva etip      

“Saga ibadet, namazdı,

Razı bolganın kepte   

Bizlerge nasip et!”  

Dep alalca yalbaramız.

 

Savlıqpan qalıñız

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär