TÖREKSOY yäş’lär kamera orkestrı Balkan gastrolendä

Törki dönya xäbärläre 31

TÖREKSOY yäş’lär kamera orkestrı Balkan gastrolendä

Qırğızstan

Qırğızstanda 15 nçe oktyabr’dä ilbaşı saylawı ütkäreläçäk.

Älege saylaw öçen xäzerge waqıtqa qadär 38 kandidat namzäte möräcäğät’ itkän.

Qırğızstan üzäk saylaw komissiyäse beldergänçä, ildä 15 nçe oktyabr’dä uzaçaq ilbaşı saylawı öçen 8 e partiya liderı bulu belän bergä 38 kandidat namzäteneň räsmi möräcäğäte qabul itelgän.

Saylaw qanunına kürä möräcäğät’läre qabul itelgän keşelär monnan soň üzlärenä yaqlaw kürsätüçe 30 meň imzanı tapşırırğa, 14 meň dollar tülärgä häm qırğız tele sınawınnan uzarğa tiyeş.

İlbaşı saylawı öçen möräcäğät’lär 1 nçe avgustta tögällänäçäk.15 nçe sentyabr’dä namzätlär terkäläçäk häm 15 nçe oktyabr’gä qadär saylaw kampaniyäse däwam itäçäk.

 

Qırğızstan

Törek xezmättäşlek häm koordinaŝiya agentlığı TİKA Qırğızstan Cömhüriyäteneň Yosıf Balasağunlı universitetındağı törek mädäniyat üzägendä êşçänlek başqaraçaq çittän torıp belem alu üzäge qordı. Älege üzäkkä Nobel’ büläge iyäse professor doktor Aziz Sancar iseme birelde.

Üzäkne açu tantanasında Törkiyäneň Bişkäktäge tulı wäqalätle ilçese Mätin Kılıç, Törek xezmättäşlek häm koordinaŝiya agentlığınıň Bişkäk programma koordinatorı Ävrän Rutbil,Yosıf Balasağunlı universitetı rektorı Kanat Sadıkov häm küp sanda matbuğat äğ’zası qatnaştı.

Üzäkne açu tantanasında çığış yasağan tulı wäqalätle ilçe Kılıç üzäkkä iseme birelgän Aziz Sancarnıň Çıňğız Aytmatov kebek törki dönyanıň urtaq qimmäte buluın belderep Törkiyä kebek Qırğızstannıň da Sancarnıň uňışları belän ğorurlanuın citkerde.

Yosıf Balasağunlı universitetı rektorı Sadıkov Qırğızstanğa yärdämnäre öçen Törkiyägä räxmätlären citkerde ,êşkä kereşkän sistemanıň uquçı yäş’lär belän berrättän  uqıtuçı-ğalimnär öçen dä faydalı bulaçağın assızıqladı. 

Üzäkne açu tantanasınnan soň Törkiyä belän täwge bäyläneş Yosıf Balasağunlı universitetı mäğarif tarmağında xezmättäşlek başqarğan Sakarya universitetı belän urnaştırıldı.

Yosıf Balasağunlı universitetı uquçı yäş’läre Sakarya universitetınıň törekçä häm soŝial’ belemnär bülege uqıtuçısı doŝent doktor Mostafa Altunnı törekçä şiğır’lär belän sälamläde.

Törek xezmättäşlek häm koordinaŝiya agentlığı 2016 nçı yılda Yosıf Balasağunlı universitetınıň  fizika, ximiya häm biologiya laboratoriyalarına texnik cihaz belän yärdäm itkän ide. Proyekt qısasında Yosıf Balasağunlı universitetınıň mäğarif tarmağında xezmattäşlek başqarğan Törkiyädäge 9 universitet belän urtaq däreslär ütkärä aluı öçen kiräkle texnologik asqorma buldırıldı.

Mädäniyat dönyası  - TÖREKSOY

Törki dönyanıň törle illärennän saylanğan yäş sälätlärdän torğan TÖREKSOY yäş’lär kamera orkestrınıň Balkan gastrol'läre başlandı.

Törkiyä başqalası Änkarada cıyılıp 10 kön konŝertqa äzerlängän Azärbaycan, Qazaqstan, Qırğızstan, Törekmänstan ,Törkiyä, Başqortstan häm Tatarstannıň yäş’ sänğät’çeläre Balkan turı qısasında berençe konŝertın Makedoniyanıň Skop’ye şähärendä täq’dim itte.  Dönya klassikaları belän bergä törki dönya kompozitorları äsärläre dä yaňğırağan konŝertnı tamaşaçılar bik yaratıp qaradı. Konŝertqa Törkiyäneň Skop’yedağı tulı wäqalätle ilçese Tülin Ärkal Kara, TÖREKSOY ğomum särqätibe tulı wäqalatle ilçe Düsän Kaseinov,törki oyışmalar wäkilläre häm küp sanda watandaş kilde.

Törki cömhüriyätlär arasında diplomatik mönäsäbätlär urnaştırunıň 25 yıllığına bağışlanğan konŝertnıň orkestr repertuarında Azärbaycannan kompizitor Fikrät Ämirov, Qırğızstannan kompozitor Säitali Mädätov,Törekmänstannan kompozitor Rovşan Näpäsov, Başqortstannan kompozitor Azamat Xäsänşin,Tatarstannan kompozitor Alsu Söngatullina häm Törkiyädän kompozitor Turgay Ärdänärneň äsärläre urın aldı. Şulay uq bıyılğı konŝert qısasında Qazaqstan muzıkantı Birjan Mynbayevnıň "İligai" isemle äsäreneň Makedoniya prem’yerası da täq’dim itelde.

Konŝertnı açıp cibärgän tulı wäqalätle ilçe Kara üz çığışında törki dönyanıň YUNESKOsı bularaq belengän TÖREKSOYnıň tözelgän könnän alıp xäzerge waqıtqa qadär oyıştırğan barlıq çaraları belän törki xalıqlar duslığın nığıtu, üsterü ,törki mädäniyatnı dönyağa tanıtıu häm kiläçäk buınnarğa yaxşı miras qaldıru öçen tırışuın belderde. TÖREKSOY yäş’lär kamera orkestrasınıň 1 atnalıq Balkan turına çığuın xäterlätkän Kara konŝertlarnıň biredä uzuınnan bik qanäğät’ buluların assızıqladı.

TÖREKSOY ğomum särqätibe tulı wäqälätle ilçe Düsän Kaseinov isä oyışmanıň törki mädäniyat xäzinäsen saqlaw häm kiläçäk buyınnarğa citkerüdä möhim wazıyfa başqaruına basım yasadı.

”Muzıka – ruxıy dönyabıznı çağıldıruçı ilham çığanağı”dip äytüçe Düsän Kaseinov Balkan turınıň törki dönyanıň muzıka mirasın tanıtuğa, mädäniyatlar arası tınıçlıq,duslıq häm dialognı nığıtuğa öleş kertäçägenä ışanuların citkerde.

TÖREKSOY yäş’lär kamera orkestrı Balkan turınıň berençe konŝertı belän tamaşaçılarnıň küňelen yawlağannan soň Makedoniyadağı  ikençe konŝertların ilneň tanılğan çaralarınnan “Oxrid cäye” festivalendä täq’dim itte.

 TÖREKSOY yäş’lär kamera orkestrınıň  Balkan turı Çernogoriya,Bosniya –Gerŝegovina häm Serbiyada däwam itä.                             

 



Bäyläneşle xäbärlär