Nogayça 117: Hazret-i Paygambar’dıñ (as) bereket mucizeleri (5)

Bu yuma tagı “ HAZRET-İ PAYGAMBAR’DIÑ (as) BEREKET MUCİZELERİ”ne davam qılamız...

Nogayça 117: Hazret-i Paygambar’dıñ (as) bereket mucizeleri (5)

Nogayça 117: Hazret-i Paygambar’dıñ (as) bereket mucizeleri (5)

 

Bereket baresinde  

Onekinşi bîr misal:

Hazreti Caper Sadık,   

Atası Muhammed Bakır’dan,

Ol, atası Seyyid    

 Zeynelabidin radiyallahü anh’tan

Tagı ol İmam Ali’den     

- Allaraz bolsun onlardan -

Estkenini dep aytqan:

 

Fatımatüzzehraanamız,  

Yalgız eki kisilik 

Bîr astı pisirgen soñ

Hazret-i Ali’minen    

Qabar yibereberip  

Atası Paygambar’dı,

-Aleyhisselatü vesselam-     

Üylerine davet qılgan...

Paygambar aleyhisselam,    

Teşrip etip kelgen soñ

Hazret-i Paygambar(as),  

Är hatın anamızga,

Sosı astan yibergen.

 

Soñda em özine,  

Em Hazret- i Ali’ge,  

Em Patma anamızga,

Bîr de azir ballarına,   

Bîrer qap ayrılgan soñ  

Hazret-i Patma anamız

Nav sözini aytqan: 

“Tenceredi köterdik, 

Taga tolı bolıp turgan...  

İşi aspan tasıp qalgan...

Allah’tıñ iqramıman  

Hıylı zaman tavsilmey  

Yep turduq sosı astan.”

 

Acaba nav nurani, 

Ullı rivayet zıncırından,

Paygambar’dıñ (as) yuvıgından,   

Bizgeşe yetip kelgen

Nav abıraylı mucizege,    

İnanmay bolar ma insan?

 

Nege desek nav mübarek,   

Kisiler bîr qabardıñ

Eger aytuvşısı bolsa     

Şaytan qarşı şıgalmagan...

 

Onüşünşi bîr misal 

Ebu Davud degen alim 

Em Ahmed ibni Hanbel,

Tagı İmam Beyhaki   

Degen hadis aytuvşısı,   

Tuvra, abıraylı alimler,

Dükeynü’l Ahmes Müzeyyen’den, 

Em altı qardaşıman

Paygambar(as) sohbetimen      

Şereplengen sahabe

Numan İbni Mukarrin’den,     

Cerir degen alim tagı

Nav mucizedi aytqanlar...

-Ol hadisti qabar bergen    

Basqa rivayetler em bolgan-

İbnü’l Hattab Omar’dan,    

-Allaraz bolsun onlardan-

Alıp bizge yetkergenler:

 

Rasül Ekremaleyhisselam

Hazret-i Omar’ga,

Nav kepte emir qılgan:

Ahmesi qabilesi’nden 

Kelgen tört yüz atlıga   

Yol üşün azıq azirle!”

 

Hazret-i Omar tagı     

Paygambar’ga (as) dep aytqan:   

“Ya Rasülallah qolda qalgan    

Anca bîr qaş sa’ (kile) bolgan.

Oturgan tüye balasınday,     

Azaqay hurma qalgan!”

 

Paygambaraleyhisselam,  

“Sen aket ber!”dep buyurgan.

Hazret-i Omar tagı,

Sosı yarım yük hurmadan

Barı törtyüz süvaridiñ

Azıgını dagıtqan!   

 

Atta sosı az hurma,  

Baresine yetken soñ

Em äş noqsan bolmay    

Eski alinde qalgan!

 

Mine sosı mucize

Tört yüz adem barabar,

Em Hazrat- i Omar’ga

Baylanışlı bîr keppen  

Bizlerge yetip kelgen!

 

Nav hadistiñ artında,

Basta Hazrat-i Omar,

Tagı törtyüz kisi bolgan.

Sosınlardıñ susqanı, 

Aytılgan nav mucizege  

Manevi tasdik bolgan...

Onlar em so hadisti,   

Bizge aytqanday bolgan...

 

Burungıda aytılganday       

Sahabeler nav mucizedi,

Eger körmegen bolsa,     

“Nav aytılgan yañlış!” dep

Hamen karşı şıgar ediler... 

Ene sosı mucize,  

Yalgız bîr eki ademden 

Rivayet bolsa tagı, 

Artında yüzlerşe      

Sahabe bolgan üşün,

Manevi tevatür        

Darecesinde bolgan...

Ötürük aytqanları,   

Körülmegen bîr yamagattıñ,

Yani sahabe zatlardıñ  

Bergen qabarları bolgan...

 

Nav barede aytılgan        

Qalgan bazı mucizedi, 

Basqa yumalarda Allah     

Aytuvdı bizlerge,  

İnşallah nasip qılar... 

 

Savlıqpan qalıñız!

 

Dr.Yusuf ALTINIŞIK

E-mail: altinisikyusuf@gmail.com

 


Bäyläneşle xäbärlär