Nogayça 116: Hazret-i Paygambar’dıñ (as) bereket mucizeleri (4)

Bu yuma em “ HAZRET- İ PAYGAMBAR’DIÑ (as) BEREKET MUCİZELERİ”ne davam qılamız...

Nogayça 116: Hazret-i Paygambar’dıñ (as) bereket mucizeleri (4)

Nogayça 116: Hazret-i Paygambar’dıñ (as) bereket mucizeleri (4)

Bereket baresinde,  

Toqızınşı bîr misal:

Şifayı Şerip iyyesi,

Em İbn-i Ebi Şeybe,  

Em Taberani degen

Berk em tuvra sözli     

Alimlerdiñ aytqanınşa;

Meşur Hadis aytuvşısı,

Hazreti Ebu Hureyre,

Nav mucizedi aytqan:

 

Rasül Ekremaleyhisselam,  

Maga nav kep emir qıldı:

Meşit-i Şerip’tiñ  

Suffesinde qalatagan,  

Mekke’den köşüp kelgen,

Yüzden ziyada bolgan 

Yarlı muhacırlardı,   

Sen büyerge şaqır!”

Men tagı sosınlardı,   

İzleyberip cıyladım...

 

Baremizdiñ aldına,  

Bîr tek tabla as salındı.  

Är bîrevimiz tilegeşe

Sosı astan aşadıq.    

Toyaberip em turduq.

 

Sosı qap aldımızga, 

Qaydey salıngan bolsa,

Aynı kelgendey qaldı.

Tek astıñ üstinde,   

Barmaq ızlarımız bardı.

 

Ene nav mucizedi,

Sahabe Ebu Hureyre,  

Barı Suffe Ehli’niñ

Körgenine tayanıp   

Onlardıñ em atına,  

Bolganlardı qabar berdi...

Demek sosı mucize,

Baresi em aytqanday

Bizge berk bolup keldi...

 

Endi äş imkän barma;

Sosı qabar tuvraşa,   

Em haq bolmasa,

Köteresi tuptuvra,  

Em de sıylı Sahabeler,   

Nav aytılgan mucizediñ

Yañlışlıgın aytpasa? 

 

Onunşı bir misal em:

Gene tuvra nakilmen 

Hazret- i İmam Ali,

Allah razı bolsun ondan

Nav mucizedi ol aytqan:

 

Rasül Ekremaleyhisselam,  

Abdulmüttalip ullarını,

Ammileri, ballarını,  

Yuvıq aqrabalarını,  

Davet etip şaqırdı...

Onlar qırq adem edi. 

Sosınlardan bazıları,  

Bîr tüye balasını,

Bîr basına yer edi.

Em de dört oqqa sütti,  

Bîr demede işer edi.

Paygambar(as), sosınlarga,

Baresi bîr uvus    

Keliyek as pisirdi.

Ene sosı azaqay   

Astan barı kelgenler,   

Aşayberip toydılar.

Sosı as tagı em   

Bîrev aşamaganday   

Äş eksilmey qaldı!

 

Soñda agaş qap işinde,   

Qonaqlarga süt akeldi.

Kelgen yuvıq qonaqlar,  

Baresi de qangaşe,  

Sosı sütten iştiler...

Süt qaydey kelgen bolsa,   

Äş işilmegendey qaldı.

 

Mine nav mucize,   

Hazreti Ali’diñ,  

Allah razı bolsun ondan,

Betirligi, tuvralıgı,     

Qaydey üşün, tuvra bolsa,

So darece üşün, tuvra,     

Em de berkşe aytılgan...

 

Onbîrinşi bîr misal,  

Tagı nav mucize bolgan: 

Tuvra bîr nakilmen;   

Hazreti Ali’minen   

Patma anamız’dıñ   

Allaraz bolsun onlardan   

Toy asları berilgende,

Rasül EkremAleyhisselam,

Bilal-ı Habeşi’ge

Alah razı bolsun ondan   

Nav kepte emir qıldı:

“Tört bes uvus bîr undan 

Ötpek yasagan soñ   

Bîr de tüye balasını,  

Kesiniz!” dep buyurdı. 

Hazret-i Bilal soñda,

Bolganlardı dep aytqan:

 

Men pisirilgen astı,  

Paygambar’dıñ (as) aldına,   

Akeleberip saldım.

Ol mübarek qolıman    

Astıñ üstine soqtı!

Soñda taypa taypa bolup 

Sahabeler keldiler, 

Baresi aşayberip

Toyup toyup kettiler. 

 

Sosı astıñ qalganına, 

Rasüllüllahaleyhisselam

Bîr taga dua qıldı;

Paygambar hatınları,  

Analarımızga tagı,

Allah razı bolsun onlardan

Sosı astan yiberildi.

As yiberilgen vaqıt, 

Rasülüllahaleyhisselam 

Nav sözini ayttı:

 

Em özleri yesin,  

Em qaslarına kelgenlerge,

Är bîrevine yedirsinler!

 

Qalgan mucizelerdi,  

Keliyek yuma inşallah,

Kuday nasip qılsa bizge, 

Aytaberiyek inşallah!

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär