Törki dönya xäbärläre 28

TÜRKSOY,Üzbäkstan,Qazaqstan xäbärläre

Törki dönya xäbärläre 28

 

TÜRKSOY

Xalıqara törki mädäniyat oyışması TÜRKSOY ğomum särqätibe Düsän Kaseinov kiläse yılda oyışmanıň 25 yıllığın bilgeläp ütäçägen belderde. Ğomum särqätip oyışmanıň törki dönyanı kiläçäk buınnarrğa citkerü öçen ädäbiyat, sänğät’ häm diplomatiya tarmaqlarında küp êşçänlek başqaruın citkerde.

Düsän Kaseinov bu xaqta TÜRKSOY ğomum särqätiplegendä oyıştırılğan “Medal’ tapşıru tantanası häm Nursoltan Nazarbayevnıň milli aňnı ilhamlandıru manifestı häm törki uqıtuçı-ğalimnärneň wazıyfaları” konferenŝiyäsendä yasağan çığışında citkerde. Älege çarada Änkarada wazıyfa başqaruçı küp sanda çit il missiya wäkile, diplomatlar, uqıtuçı-ğalimnär häm jurnalistlar qatnaştı.

Ğomum särqätip Kaseinov Azärbaycan, Qazaqstan, Törekmänstan , Üzbäkstan häm Qırğızstannıň uzğan yıl bäysezlek alularınıň , bıyıl isä diplomatik mönäsäbätlär urnaştırunıň 25 yıllığın bilgeläp uzularına basım yasadı.

25 yıllıq däwerdä törki dönyanıň yaqtı kiläçäge öçen möhim adımnar yasaluın belderüçe Düsän Kaseinov mönäsäbätlärne üsterüdä härkemneň häm oyışmanıň da zur öleşe buluın assızıqladı.

TURKSOYğa yärdämnäre öçen törki cömhüriyätlärgä räxmätlären citkergän Kaseinov , bu yärdämnärneň törki dönyadağı ğalimnär arasında duslıq häm tuğanlıq bäyläneşe barlıqqa kilügä  säbäp buluın citkerde.

Qazaqstannıň Änkaradağı tulı wäqalätle ilçese Abzal Saparbekulı TÜRKSOY oyıştırğan medal’ tapşıru tantanası häm konferenŝiyäneň töbäk däwlätläre öçen zur ähämiyätkä iyä buluın belderde.

Saparbekulı TÜRKSOYnıň mädäniyat-sänğät’ tarmağındağı êşçänlekläre belän barı tik törki dönyada ğına tügel böten dönyada tanılğan xalıqara oyışma buluına basım yasadı.

Gazi universitetınıň törek tele häm ädäbiyatı bülegendä êşläp layıqlı yalğa çıqqan professor doktor Äxmät Bican Ercilasun Nursoltan Nazarbayev mart ayında täq’dim itkän milli aňnı ilhamlandıru proyektınıň cämäğät’çelek aňınıň modernizaŝiyäse cähätennän bik möhim buluı belderde.

Çığışlardan soň Atatörek isemendäge tel tarix yuğarı oyışması başlığı professor doktor Därya Örs,Törkiyä  tarix oyışması başlığı professor doktor Räfik Turan, törki dönya tikşerenüläre waqıfı başlığı Közhan Yazgan häm başqa küp sanda uqıtuçı-ğalim häm ictimaği oyışmalar wäkillärenä medal’lär tapşırıldı.

Üzbäkstan

 Törek tabibları Üzbäkstanda 70 tän kübräk keşene däwalayaçaq.

Üzbäkstan – Törkiyä sälamätlek saqlaw atnalığı qısasında Üzbäkstanğa kilgän törek tabibları 70 tän kübräk üzbäk awıruğa yöräk-tamır,ortopediya , urologiya häm ginekologiya operŝiyäläre yasayaçaq.

Törkiyä häm Üzbäkstan sälamätlek saqlaw ministrlıqları Törek xezmättäşlek häm koordinaŝiya agentlığı (TİKA) yärdäme belän Taşkentta 4 nçe Üzbäkstan-Törkiyä sälamätlek saqlaw atnalığı ütkärde.

Törkiyä sälamätlek saqlaw ministrlığınıň tışqı mönäsäbätlär häm Awrupa Berlege ğomum mödirlege xalıqara mediŝina säyäsätläre idaräse başlığı häm sälamätlek saqlaw atnalıqları koordinatorı Sälami Kılıç Taşkenttağı babalar xastaxanäsendä çığış yasadı.

Törkiyäneň 1991 nçe yılda bäysezlek aluğa ireşkän Üzbäkstannı tanuçı berençe däwlät buluın beldergän Kılıç Törkiyäneň Üzbäkstan belän mönäsäbätlärne här tarmaqta üsterügä zur ähämiyät birüen ,törek häm üzbäk xalıqları arasında mönäsäbätlärne kamilläşterü yünäleşendä iradäsen kürsätüen assızıqladı.

Kılıç ike il arasında sälamätlek saqlaw tarmağındağı xezmättäşlekneň 1997 nçe yılda Törkiyä häm Üzbäkstan xökümätläre arasında imzalanğan “Mediŝina tarmağında xezmättäşlek turındağı kileşü” qısasında alıp barıluın belderde. Koordinator Sälami Kılıç uzğan yıl oktyabr’ ayında ütkärelgän Üzbäkstan-Törkiyä sälamätlek saqlaw atnalığı qısasında törek tabiblarınıň 381 xasta belän konsul’taŝiya ütkärüen , 139 keşegä operaŝiya yasawın häm 165 üzbäk mediŝina xezmätkärenä kurslar ütkärüen citkerde.

Kılıç Üzbäkstan – Törkiyä sälamätlek saqlaw atnalığı qısasında ike il tabibları arasında duslıq häm tuğanlıq bäyläneşläreneň tağın da nığıyaçağına häm illär arasında mäğ’lümat häm täcribä urtaqlaşunıň artaçağına ışanuların äytte.

Taşkent balalar xastaxanäse baş tabibı Gulirano Usmanova awırularnı däwalağan häm mediŝina xezmätkärlären uqıtu-öyrätügä üzlärennän zur öleş kertkän törek tabiblarına räxmätlären citkerde.

 

Qazaqstan

 

Qazaqstan başqalası Astanada 10 nçı Xalıqara Astana törki dönya tradiŝion muzıka festivale uzdı.

Çarada Törkiyä, Qazaqstan häm Azärbaycan belän bergä täwge tapqır avşar häm salar törkiläre sänğät’çeläre  dä qatnaştı.

Astana opera häm balet teatrında uzğan festival’dä törki dönya sänğät’çeläre milli uyın qoralları belän üz muzıkaları häm cırların täq’dim itte.

Festival’neň prodyusserı Askar Umarov:”Muzıka - xalıqlarnı berläşterüçe tiňsez häm izge tel. Barlıq muzıkalar urtaq nigezgä iyä. Bıyılğı festival’dä täwge tapqır avşarlar häm salarlar da qatnaştı. Avşarlar Kön’yaq İrannan ,salarlar Qıtaydan kilde.Festival’dä qatnaşu däräcäse yıldan yıl arta bara”,-dide.

 

 

 



Bäyläneşle xäbärlär