Törki dönya xäbärläre 27

Törekmänstan,Qırğızstan,Qazaqstan xäbärläre

Törki dönya xäbärläre 27

 

Törekmänstan

 

Törekmänstan ilbaşı Gurbanguli Bärdimöxämmädov sälamät yäşäw räweşen arttıruğa öleş kertü öçen “Aşxabad-2017” proyektı qısasında yaňa kampaniya başlattı. Älege kampaniya qısasında êşläwçelär êşkä velosiped belän baraçaq.

Älege çara 2017 nçe yılnıň sälamätlek häm bäxet yılı itep iğ’lan itelüe qısasında 29 nçı iyül’dä ütkäreläçäk.

Däwlät başlığı Gurbanguli Bärdimöxämmädov soňğı ministrlar şurası cıyılışınnan êlek älege temağa iğ’tibarnı yünältü öçen  Oğuzhan sarayındağı êş ofisınnan ministrlar şurası binasına velosiped belän kilgän ide.

Bärdimöxämmädovnıň täq’dimenä kürä, ildäge barlıq oyışmalar citäkçeläre häm xezmätkärläreneň   29 nçı iyül’dä êşkä velosiped belän baruı küzdä totıla.   

29 nçı iyül’dä şähärneň barlıq yullarında barı tik velosipedlar häm cämäğät’ transportı bulaçaq.

Älege çaranıň xalıq sälamätlegen nığıtu, tirä - yaq moxitqa qarata sizgerlek, iğ’tibarnı arttıru häm velosipedta yörüne agitatŝiyäläwgä öleş kertäçägen beldergän  Törekmänstan ilbaşı xalıq sälamätlege häm iminlegenä ähämiyät birü ,fizik häm ruxıy yaqtan saw-sälamät buınnar üsterüneň däwlät öçen bar närsädän möhim wazıyfa buluın citkerde.

 

Qırğızstan

 Urta Aziyanıň iň zur mäçete Qırğızstanda tözelde.

 

Qırğızstan başqalası Bişkäktä Törkiyä diyänät waqıfı yärdäme belän salınğan mäçet häm kölliyätneň tözeleşe tämamlandı. 

2012 nçe yılda başlanğan häm Urta Aziyanın iň zur mäçete bulğan maçet häm kölliyät Ğosmanli arxitetekturasına turı kiterep salındı.

 Başqalanıň könçığışında urın alğan mäçet 7 meň 500 kvadrat metr mäydannı bili. Mäçet häm baqçasında ber’yulı 20 meň keşe namaz uqıy ala.

Mäçet yaqınça 500 urınlı avtoparkı,Qor’än kursları , konferenŝiya zalı , aşxanä häm idarä binaları belän Änkaradağı Kocatäpä mäçetenä oxşağan.

Tözeleş citäkçese Musa Dämirci “Anadolu” agentlığına yasağan belderüendä mäçet tözeleşeneň tögällänüep belderep, xäzerge waqıtta çistartu häm tirä yaqnı tärtipkä salu êşläreneň başqarıluın citkerde. 

Dämirci mäçetneň härberse 70 metr biyeklegendä 4 manarası buluın belderde. Uzğan yıldan birle mäçet tözeleşendä êşläwen beldergän Musa Dämirci biredä êşläwçelärneň 70 %ın qırğızlar täşkil itüen häm cirle êş belän tä’min itügä zur ähämiyät birelüen assızıqladı.

 

Qazaqstan

Qazaqstan ilbaşı Nursoltan Nazarbayev xökümätneň çit illärdä yäşäwçe qazaqlarnıň ana telendä belem aluları öçen êşçänlek başqaruı kiräklegen belderde.

İlbaşı Nazarbayev Bäysezlek sarayında uzğan Bötendönya qazaqlarınıň 5 nçe qorıltayında yasağan çığışında “Ruxıy yaňaru , kiläçäkkä yul” mäqaläse qısasında latin alfavitına küçü , 100 däreslekne tärcemä itü ,tuğan cirneň küçenü proyektı, Qazaqstannıň izge geografiyäse, global’ dönyada zamança Qazaqstannıň mädäniyatı proyektlarınıň ğamälgä aşırıluın belderde.

Êtnik qazaqlarğa yaqlaw kürsätüneň ähämiyätenä basım yasağan ilbaşı Nazarbayev Watandaşlar fondı buldıru kiräklegen dä assızıqladı.

Çit illärdäge qazaqlarnıň Qazaqstanda belem alu kvotasın ike tapqırğa arttıru boyırığı birüen beldergän Nazarbayev “Xökümätneň çit illärdäge watantaşlarıbıznıň ana telendä belem aluları öçen êşçänlek başqaruı kiräk” dide.

Nursoltan Nazarbayev çit illärdäge qazaqlarnıň Qazaqstan belän bäyläneşen nığıtu kiräklegen belderep “Qayda ğına bulsağız da Qazaqstan härwaqıt küňelegezdä, yörägegezneň türendä bulsın. Qazaqstan barıbıznıň da tarixi Watanı” dide.

Miğ’mar Sinan isemendäge räsem sänğäte universitetı uqıtuçı-ğalime professor doktor  Abdulvahap Kara qorıltaynıň dönyanıň 40 qa yaqın ilendä yäşägän qazaqlarnıň üzara häm Qazaqstan belän aralaşuına nıq yoğıntı yasawın citkerde.

Qazaqstan ilbaşı Nursoltan Nazarbayevnıň “Ruxıy yaňaru, kiläçäkkä yul” mäqalaseneň dönya kürüeneň ilneň yaňaru kürsätkeçe buluın beldergän Kara çit illärdä yäşäwçe qazaqlarnıň da möhim wazıyfaları buluın häm alarğa ruxıy yaqlaw kürsäteläçägen assızıqladı.

Qorıltayda 39 ildän 800 gä yaqın qazaq qatnaştı.

 

 



Bäyläneşle xäbärlär