Nogayça 112: Oraza (5)

Bu yuma tagı “ORAZA” baresinde habarlasamız...

Nogayça 112: Oraza (5)

Nogayça 112: Oraza (5)

Ramazandıñ orazası, 

Ahiret üşün dünyaga

Egip bişpege kelgen,

Em ticaret etpege  

Yiberilgen nav insandıñ     

Manevi qazanşına

Qararaytagan yagında,     

Köp hikmetlerden bîr hikmet,

Nav aqıyqat bolgan:

 

Ramazanışeripte,

Amellerdiñ savabı,

Bîrge qarşı miñ bolgan...

Allah sözi Kur’an’dıñ 

Är bîr arpi oqınsa 

On savap, on iygilik,

Em on Yennet meyvası,

Paygambar(as) aytqan keppen

Soga qarşılıq bolgan...

Ramazanışeripte,   

Är bîr arpi, on tuvıl,     

Miñ, atta bazı ayet,

Misal bolsa köp tanıngan 

Ayetelkürsi degen 

Qur’an’dıñ ayetiniñ

Är bîr arpi miñler savap,

Atta yuma keşesinde,

Taga ziyada bolgan.

Qadir keşesi bolsa,      

Otuz mingeşe bargan...

 

Tuvrası, är bîr arpke  

Otuz miñ dayimi 

Meyvalar bergen Qur’an,

So alimen nurani    

Yennet’teki bîr terek,  

Tuba degen agaştay

Milyonlarman abedi      

Meyvalardı, mü’minlerge,

Nav Ramazan ayında,   

Oqıganga qazandırgan...

 

Mine kel sosı ullı,  

Em abedi, em qazanşlı,   

Ticaretke sen qara;

Seyretken soñ em oyla!     

Nav arplerdiñ qıymatını,

Taqdir etelmagan insan,  

Ne darece ziyanga  

Kiriyegini sen añla!

 

Ene sosı Ramazan 

Degen şerepli zaman,

Sankim ahiret üşün

Ticaretke qurulgan 

Soñ derece qazanşlı   

Bîr bazar, bîr sergi

Bolup inanganlarga,      

Neşe payda akelgen...

Em uhrevi maqsul üşün,    

Gayet bitek bîr tarla...

Amellerdiñ öskenine 

Baharlarda yavgan  

Nisan yamgurı bolgan...

 

Tagı ötken az zaman

Bolsa tagı nav insan, 

Yemey işpey turganga,

Ayvanlıqtan qurtulup 

Aynı malektey bolup 

Uhrevi bîr ticaretke

Kirgen üşün so adem,

Dünyalıq acatlardı,  

Az vaqıt taslaganga,

Ahiret’tiñ insanınday, 

Tenmen köringen ruhtay  

Ullı vaziyetke kirip

Sosı orazasıman

Rab Allah’tıñ äş kimge

Muqtaş bolmas sıpatına

Bîr türlü bıyala bolgan!

 

Nav aqıyqattan mırat:     

Sosı almen ol insan,

Allah’tan basqasına

Muqtaş bolmas alge kirip   

Toq köñülli qul bolgan...

 

Ene sosı Ramazan

Nav pani dünyada,   

Pani ömir işinde,

Em qısqaşa hayatta,

Uzun dayim yaşavdı,

İnanganga qazandırgan...

Şerepli ay Ramazan,  

Seksan sane ömirdiñ 

Meyvasını insanga

Bîr ayda qazandırgan...

Nege desek işinde,   

Qadir keşesi bolgan!

So keşediñ miñ aydan  

Qayırlı bolganı,   

Qur’an’da aytılgan keppen

Nav ökümge delil bolgan...

 

Orazadıñ qayırlısı,    

Mide aş taslanganday   

Köz, qulaq, em qalpke,

Hayal, pikir barege,   

Oraza tutturulsa bolgan...

 

Qaydey boladı desek?  

Oraza tutqan insan,   

Tilini ötürükten,

Basqasını gıybetten, 

Tagı yaman sözlerden 

Ayırıp oraza tuttursa,

 

Em de sosı tilini,  

Quran oqıganmınan,   

Zikir, tespik, salavat,

Yade istiğparmınan    

Meşgul etse müslüman;

 

Em közini haramga 

Qaragandan saqlap;

Qulagını yaman zattı

Tıñlagandan erek taslap  

Közini ibretlerge, 

Qulagını haq sözdi,

Qur’an tıñlamaga berip 

Sosı müşelerge tagı, 

Oraza tutturalsa,

Orazası tap bolgan...

 

Zaten mide eñ üyken 

Bîr fabrika bolgan üşün, 

Mide toqtagan bolsa,

Baska kişkey dezgahlar,  

Soga uyup toqtagan...

Barı müşe so zaman 

Ullı vazipelerge,   

İbadetke qaytqan...

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär