Nogayça 106: Ana ata aqqı (3)

Bu yuma tagı “ANA ATA AQQI” baresinde söz bardıramız...

Nogayça 106: Ana ata aqqı (3)

Nogayça 106: Ana ata aqqı (3)

Ötken eki yumada,  

Ana ata aqqı üşün, 

Bîr alimdiñ aytqanına, 

Bu yuma tagı em     

Davam qılamız inşallah:

 

Kuday’dıñ barege,   

Rızıqların bergenini, 

Barı maqluq qalmay

Baresinin toyganını,   

Közimizben köremiz... 

 

Atta tuvıl yalgızca, 

Qart bolgan aqraba,

İnsanlarga qosaq kelgen

Mısıqlarday maqluqlardıñ 

Rızıqları, insanlardıñ 

Rızıqları işinde,

Bereket kebimen    

Barabarca yiberilgen...

 

Nav manege quvvat bergen      

Tagı özüm yaşaganım

Bîr misal de nav bolgan:

Menim yuvıq dostlarım,  

Onlardıñ em körgeni,

Bîr qaş sane avveli,  

Künde kişkey yarım ötpek, 

Bîr tayınım bar edi.

Köp vaqıt sosı ötpek,      

Maga yetpeytagan edi.

Artından tört mısıq,        

Qasıma qonaq keldi.

Onlar qonaq kelgen soñ      

Az tayınım em maga,

Em onlarga yetken edi...

Atta bîr köp vaqıt em,   

Sosı azaqay ötpek,  

Baremizge yetkendey

Tagı bîr de artqan edi!

 

Munavı al qayta qayta        

Qaş kere bolgan üşün,

Nav aller menim esime            

Bazı oylar bergen edi:

Men mısıqlarman kelgen        

Bereketten bîr payda,

Yani onlar betinden  

Maga rızıq kelgenin, 

Äşkere körgen edim. 

 

Tap tuvrası aytılsa,  

Onlar maga yük tuvıl,  

Em de maga minnetli

Bolmay sosı mısıqlar,     

Aslında men onlarga

Minnetli em boruşlı edim...

 

Ey insan! madem canavar        

Kebindeki ayvanlar,

İnsanlardıñ üylerine,       

Qonaqlıqqa kelgende,

Bereketke sebep bolsa,

 

Maqluqlardıñ eñ ullısı,    

Bolgan barı insanlar;

İnsanlardın tagı em        

Eñ yahşısı müminler;

Müminlerdiñ tagı em   

En ziyada örmetke,   

Maramatqa tiyislisi,

Aciz, avrıgan qartlar;

So qartlardıñ işinde em    

Şepqat, qızmat, süygüdi,

En ziyada haq etken         

Barı aqraba, yuvıqlar;

Sosınlardıñ işinde em,     

Eñ aqıyqı dost bolgan, 

Bizdi yürekten süygen     

Analarman atalar,

Qartayganda üyimizde,     

Turgan bolsa sosınlar,

Ne derece bereketke,       

Em rahmetke sebep bolgan...

 

Em Paygambarhadisinde (as)     

Aytılganı kebimen:

‘Beli bügülgen qartlarınız,        

Bolmagayıdı eger,

Belalar üstünüzge,            

Seldey tögüliyek edi!’

Sözlerinde aytılganday, 

Sosı qartlar baresi,     

Üyde ana atalar,

Ne derece musibet, 

Quvıvşı bolganını,   

Endi sen yañıdan

Bîr taga em oyla!

 

Nav manedi tagı em       

Barabarca eslesek:

Ata är kimdi tuvıl,    

Tek ulınıñ özinden    

Ziyada iygi bolganın

Gızganmay yürekten tiler... 

 

Ulı üşün süytübine   

Oylagan bîr ataga,  

Ul, haq dava etalmas...

Atamınan ul arasında, 

Aqıyqatta nizaga   

Äş bîr sebeb bolmagan.

Nizalar ya gıptadan        

Yade hasetten kelgen...

Bîr atadan ulına,             

Gıpta, haset äş bolmas...

Nizalasuv sebebi,          

Eger haqsızlıq bolsa,

Ul ataga äş bîr zaman,      

Haq davası etalmas.

Onı haqsız körse tagı,      

Asla isyan etalmas!

 

Ataga isyan etken,             

Tagı onı ıncıtqan,

İnsanlıqtan şıgıp sosı        

Bîr yanvar ayvan bolgan... 

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär