Törkiyädä tatar imamnarı

“Törek wä tatar dönyasında” tapşıruı. 03.05.2017

Törkiyädä tatar imamnarı
Törkiyädä tatar imamnarı
Törkiyädä tatar imamnarı

Törkiyä Diyanät êşläre idaräseneñ Änkarada oyıştırğan dini belemne arttıru kurslarında qatnaşqan tatar imamnarı belän äñgämä (25.04.2017).

Mostafa Gültäkin fotosüräte

Törek wä tatar dönyasında - 245

Törkiyä Cömhüriyäte dönyanıñ törle yaqlarında yäşäwçe din qardäşlärebezgä häm şul isäptän törki xalıqlarğa dini belemnären döres itep öyränü häm dini belemnären arttıru ölkäsendä yärdäm qulın suza. Şuşı cähättän Törkiyä Diyanät êşläre idaräse çit illärdä yäşäwçe möselman din ähelläre öçen dini belemne arttıru kursların oyıştıra.

Diyanät êşläre idaräseneñ Änkaradağı Rıfat Böräkçi isemendäge Mäğarif üzäge mödire Mostafa Bodur mäğlümatlärenä kürä, bu kurslarda bıyıl mesxet törekläre häm Rusiyä Federaśiyäsennän möselman din wazıyfalıları, şul isäptän Seber yaqlarınnan tatar imamnarı da qatnaştı.

“Bezneñ küñel geografiyabız dip äytkän cirlärdän kilgän mesxet (ahıska) töreklärenä, tatar qardäşlärebezgä, andağı möselmannarğa tağın da näticäle din xezmäten täqdim itü ölkäsendä üzlärenä yul kürsätäbez", -”dip äytüçe Mostafa Bodur: “Şuşı belemne alğannan soñ din qardäşlärebez din ölkäsendä tağın da yaxşıraq yul kürsätüçänlek wazıyfasın başqaraçaq”, - dip assızıqlap äytep uzdı.

Mostafa äfände äytüençä, Törkiyä başqalası Änkaradağı kurstan tış qunaqlar Törkiyäneñ Konya, İskeşähär, Bursa häm İstanbul şähärlären dä qaraw mömkinlegenä iyä buldı.

Törkiyä Diyanät êşläre idaräseneñ Änkarada oyıştırğan dini belemne arttıru kurslarında qatnaşqan tatar imamnarı belän äñgämäne TAWIŞ uynatqıçınnan tıñlıy alasız yäki videoyazmadan qarıy alasız.

Mostafa Gültäkin fotosüräte.



Bäyläneşle xäbärlär