Nogayça 105: Ana ata aqqı (2)

Bu yuma em “ANA ATA AQQI” baresinde söz bardıramız...

Nogayça 105: Ana ata aqqı (2)

Nogayça 105: Ana ata aqqı (2)

Ötken yuma ana ata  

Aqqındaqı bîr ayettiñ 

Maneleri baresinde,

Bîr alimdiñ aytqanına,  

Bu yuma tagı em,  

Davam qılamız inşallah...

Sosı alim nav barede    

Munavlardı em aytqan:

 

“Ene sosı mübarek  

Qartlar, özi üyinde,

Yaşagan bîr adem,

Sosınlardıñ qasında 

Turganından usanıp, 

Onlardı avır körüp,   

Atta ölgenin tilese,    

Ne darace tömenlik,

Neşe bîr vijdansızlıq 

Bolganını bil de ayıq!

 

Nege desen saga onlar, 

Yanlarını bergende, 

Sen onlardıñ ölgenini,

Tilep tursan eger, 

Ne derece yaman zulüm,  

Tagı maramatsızlıq

Bolganını em añla!

 

Ey geşim dertimen 

Muñaygan dertli adem! 

Seniñ üyünde turgan

Qasındaqı so qartlar,  

Anan, atan, yuvıqlar;  

Tagı özinden sıgılıp   

Senin avır körgenin,    

Qart yade kör aqraban;

Onlar seniñ üyinde,     

Bereket diregi bolgan...

Saga rahmet sebebi

Tagı musibetlerdi,  

Senden quvuvşı bolgan...

 

Saqın deme “Geşimim  

Tarayganı sebepten 

İdare etalmayman!”

Eger onlar betinden       

Kelgen bereket bolmasa,

Albet geşim tarlıgın       

İnan, taga artıq bolgan!

 

So aqıyqat baresinde,        

Maga yürekten inan!

Nav manediñ delilleri,          

Em bilgenim köp bolgan...

Seni inandırmaga,               

Qudretim tagı bolgan...

Tek uzun bolmasın dep     

Endi qısqa aytaman...

Yemin etermen em men,      

So aqıyqat aşıq bolgan...

Atta nepis, Şaytan’ım, 

Nav barede maga,  

Teslim bolganlar inan!

Nepsimdiñ inatını  

Sındırıp, Şaytan’ımdı

Susturgan bîr aqıyqat,  

Bersin saga qanaat...  

 

Käinat şahitligimen 

Rahman Rahim em Gözel,

Köp İygili Yaratuvşı, 

Calallı em Köp Yomart   

Qudayımız Rab Allah,

Ballardı dünyaga,  

Yibergeni vaqıtta,     

Artlarından deraqap

Rızıqlarını tagı em  

Gayet yahşı bîr kepte,    

Emşekler şeşmesinden

Avızlarına agıtqanday, 

Bala ökmine kelgen 

Ana ata em qartlar,

Atta ballardan artıq 

Maramatqa tiyisli    

Em acıganga köp muqtaj

Bolgan sosı qartlardıñ    

Rızıklarını Quday,    

Bereketkebimen

Sosınlarga yibergen...

Maramatı köp Allah 

Ol sıylılardıñ geşimini,  

Tamahqar em qolı sıqı,

Ademlerge yüklemegen... 

 

Nav ayetlerde aytılganday         

‘Şüphe yoq Rab Allah,

Rızık berüvşi tagı,                

Quvvatı  em berk bolgan.’

 

‘Yeryüzünde yürgen,   

Bîr basına rızqını,      

Özi yüklenalmagan

Neşe yanlı maqluktıñ,   

Em de siziñ rızqınızdı, 

Baresini Allah bergen.’

 

So ayetlerdiñ aqıyqatın  

Neşe yanlı maqluqlar,

Äş qalmay yaşaganın,  

Yahşı kepte toyganın,     

Kuday’dın barege,    

Rızıqların bergenin, 

Al tilimen baqırıp      

Alemge ilan qılgan...”

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär