Nogayça 103: Bahardıñ aytqanları

Bu yuma “BAHARDIÑ AYTQANLARI” baresinde söz bardıramız...

Nogayça 103: Bahardıñ aytqanları

Nogayça 103: Bahardıñ aytqanları

Bahardıñ bizge aytqanı,   

Neşe aqıyqatlar bolgan...

Avvel Kuday barlıgına,    

Tagı küşi quvvatına,

Bahar üyken misal bolgan...

 

Basqa yaqtan qaransa,      

Ölip ketken maqluqlardı,

Bîr baharda qaytadan     

Tiriltkeni Allah’tıñ,   

Bizdi tagı ölgen soñ

Yengil tiriltiyegine  

Közimizmen körgenimiz 

Alamat misal bolgan...

 

Bahardıñ qapısından 

Aşılgan manelermen  

Neşe aqıyqatqa barılgan:

 

“Äş imqanı barma eken      

Ölgen qurugan yerdi,

Qayta tiriltip yan bergen;     

 

Üşyüz miñden ziyada 

Neşe yanvar maqluqlardı; 

Atta är bîr taypası,

İnsanlardıñ sanından 

Qat qat pazlası bolgan   

Ösimlik em ayvandı,   

Är sanede yangıdan     

Baresini tiriltip       

Yerlerine dagıtqan;

 

Barı sosı isimen,    

Küşiniñ daracesin    

Qayta qayta körsetken;

 

Bîr yaqtan em tiriltkeni  

Barı sosı maqluqlar, 

Soñ derece bîrbîrine

Qarısıq bolgan alde  

Munşa maqluqlardı ol     

Baresini  äş mutbay

Bîrbîrinden ayırıp;     

Qaytadan yaratqan;

 

Ene sosı islermen  

Öziniñ är zattı,      

Qaysı darecelerde

Bilgenini, körgenini,     

Eslilerge körsetken;

 

Köp küşli, maramatlı,    

Barı isi hikmetli,    

Abes isi bolmagan;

 

Basqa neşe türlü türlü,   

Soñsız islerdi etken 

Yaratuvşı bîr Allah,

Ölgen soñ bizlerdi,      

Qaytip qayta tiriltpesin...

 

Ene sosı bahar bizge,  

Yañıdan tiriltilgen    

Barı neşe maqluqpan,

Quday’dıñ ölgenlerdi,     

Qaytadan tiriltiyegine

Köz aldında körim bolgan...

 

Tiriltilgen so maqluqqa  

Bîr yaqtan em qaransa,  

Barı maqluqtı Allah 

Bes altı kün işinde   

Qaş türlü em tiriltken: 

 

Birinşige qarasaq  

Tiriltilgen tereklerdiñ,   

Ösimliktiñ, ölenlerdiñ     

Avvel tamırlarını,    

Em bazı ayvanlardı,      

Özleriniñ aynı etip      

Yañıdan em tiriltken...

 

Bîr ekinci tiriltüv,

Misal bolsa yapraqlarday,

Buruñısı qaydey bolsa  

Sosınlarga oqşatıp  

Yok ekende tiriltken!

 

Bîr yaqtan em tuqımlardı,

Baresiniñ maddesi 

Bîrbîrine oqşar alde,

Är bîrevi bîrbîrine 

Em qarısıp turgan alde,

Baresini karıstırmay,

Neşe tez ok bolup em de

Bîr yaktan em er yerde,

Yengilşe intizamman   

Tap ölşemmen baresini, 

Altı kün ya altı aftada,

Baresini tiriltken...

 

Munşa tiriltüv isini 

Etken bîr Quday’ga, 

Qaysı bîr is avır kelsin!

Köklerdi em yerdi,   

Altı künde yengilce,  

Özi qaytip yaratpasın?

Bîr qayta yaratkanın   

Bîr kayta taga em  

Yañıdan yaratpasın?

 

Ene sosı manelerdi,    

Üyken kitap Quran’da 

Kuday’ımız Hak Allah

Qaş ayetlermen bildirgen... 

Manesimen aytılsa     

Bîr tek ayet nav bolgan:

 

Allah’tıñ rahmetimen    

 Etken islerine qarañız...

Ölgen soñ yeryüzini,      

Qayta qaytip tiriltedi! 

Ölülerdi tirilkeni,           

Ene süytübüne bolgan...

-Qaytip boladı dense-     

Onung küşi soñsuz bolup

Är zatlarga em yetken!”

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär