Nogayça 102: Är kün är kün namaz, köp tuvılma? (6)

Bu yuma em “ER KÜN ER KÜN NAMAZ KÖP TUVILMA?” baresinde söz bardıramız...

Nogayça 102: Är kün är kün namaz, köp tuvılma? (6)

Nogayça 102: Är kün är kün namaz, köp tuvılma? (6)

Bîr alimdiñ nepsine,

Namaz üşün aytqanınıñ

Qalgan soñını, bugün

Tamamlaymız inşallah...

 

 “Ey nepis! är yañı kün,        

Saga, barı halq üşün,  

Yañı bîr alemge                    

Aşılgan esik bolgan...

 

Eger namazındı sen,  

Qılmayberip taslasan, 

Senin o kün alemin,

Qarañgı em perişan       

Ötip ketiyek inan!

Soñda senin aleyhinde,    

İnan şahit bolur yaman...

 

Nav künde so alemden        

Är ademdin är bîreviniñ

Özine bîr alem bar...

Är kimdin alemi de  

Ol ademdiñ qalbine,  

Em isine baylangan...

Qalbi onıñ qaydey bolsa,     

Alemi de sonday bolgan...

 

Misal bolsa bîr sarayga, 

Bîr bıyalaman qarasaq  

Saraydıñ rengi tagı

Bıyala renginde bolgan.

Bıyala qara bolsa,  

Saray tagı qara bolgan;

Qızıl bolsa qızıl bolgan.

Em sisesi tüz bolsa,    

Saray tagı yahşı bolgan.

Sisesi qıyşıq bolsa,     

Saray em qıyşıq turgan.

 

Ene sosı misaldey,    

Sen  qalbin, esinmen, 

Em de etken isinmen,

ñlün qaydey bolsa senin,       

Alemin de sonday bolgan...

Yani senin öz düniyan           

Qalp boyagınman boyangan...

 

Demek öz alemindi sen,         

Qalbindeki oyınman

Ya paydan ya zararınga         

Şahit etesin nepis!

 

Endi sen namazınman        

Quday betke yönaysan,

Bîrden saga qaraytagan     

Alemin savle tolgan...

Namazın bîr alektrik           

Şeragınday bolup saga;

Namazga niyetin em           

Tüymesine tiygendey 

Öz alemindiñ qarangısın     

Bîrdenbîrge dagıtqan! 

Senin aleminde bolgan     

Barı zatlar namazñ

Nurlarıman nurlangan...

Seniñ aqqında so alem,  

Esap küninde saga,   

Tap kerek zamanda,

Yahşı şahitlik etken!

 

Saqın deme ey nepis! 

Nav namazım qayerde,

Esas namaz qayerde,

Meniki köp noqsan bolgan?

 

So sebepten, bîr hurma      

Şekirdeginden baslap

Terek bolgan kepkeşe        

Barı hurma sanılgan...

Şekirdek, cıyılgan kep,       

Terek yayılganı bolgan...

Baresi de hurmadıñ            

Martebeleri bolgan.

Em şekirdek em terek,       

Baresi de hurma bolgan...

 

Aynı nav misaldey  

Halqtan bîr adem bolsun,

Ya valiy bîr zat bolsun,

Är kim bolursa bolsun, 

Özi tap bilmese em 

Üyken valiy namazınday

Nav namazñ nurından,    

Oga bîr isse bolgan...

 

Onıñ qılganı namaz   

Namaz aqıyqatından    

Ullı bîr sır tasıgan...

Kisi bilmese tagı        

Peyiz em savlesi,    

Darecesine göre

Baresinde tabılgan...

 

Qaydey bolsa bîr hurma,    

Ta şekirdekten baslap

Terekkeşe ayrı ayrı,             

Bîr köp martebesi bolgan...

Namaz darecelerinde,

Taga artıq martebeler, 

Em maqamlar bolgan...

Tek, martebelerdiñ          

Är bîreviniñ baresinde, 

So namazdıñ nurları.      

Em esası tabılgan...”

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär