Törek hawa yulları Qazanğa oçqıç säfäre sanın arttıra

Astanada Törki telle illär Êş şurası cıyılışı uzdı

Qazaqstannıñ “Atameken” Milli êş häm säwdä oyışması oyıştırğan çarada Azärbaycan, Törkiyä häm Qırğızstan wäkille qatnaştı.

Cıyılışta Törkiyä belän qazaqstan arasında urtaq säwdä häm sänägät oyışmasının barlıqqa kiterelüe öçen kileşü imzalandı.

İmzalanğan kileşüneñ Qazaqstanğa Qara diñgez liniyasenä êşkärtelmägän matdä genä tügel, ä şul uq waqıtta uñışlarnıñ êksportın täêmin itäçäge belderelde.

Açılışta çığış yasağan “Atameken” räsmi zatı Abılay Mırzahmetov älege kileşü häm proyektka Azärbaycan häm Qırğızstannıñ da quşıluın kötülären häm mondıy çaranın aktiv mäydan bula alacağın assızıqladı.

Cıyılışta Törkiyädän Törkiyä Palatalar häm birjalar berlege başlığı Rifat Hisarcıklıoğlu, Azärbaycannan Êşmäkärlär milli konferenśiya başlığı Mamed Musayev, Qırğızstannan Säwdä häm sänägät oyışma başlığı Marat Şaşekeyev räislegendäge wäkilleklär qatnaştı.

Älege şurada Üzbäkstannıñ da qatnaşuı kötelä.

Azärbaycanda İslam teläktäşlek uyınnarı uzaçaq

Azärbaycanda 12-22nçe may könnärendä oyıştırılaçaq 4nçe İslam teläktäşlek uyınnarı belän bäyle bularaq “Xäzärdän başlanuçı su säyäxäte” isemle çara başlatıldı.

Däwlät başlığı İlham Aliyev, vise-rezidentı Mihriban Aliyeva, Soğud Ğaräbstanı Milli olimpiada komitetı başlığı häm İslam teläktäşlek uyınnarı federaśiyase başlığı Abdullah bin Mosaad bin Abdulaziz Äl Suud häm ISSF äğzase illär räsmi zatları qatnaşqan çarada Törkiyäne Yäşlär häm sport ministrı Akif Çağatay Kılıç wäkillek itte.

Däwlät başlığı Aliyev çarada yasağan çığışında ber aydan soñ 57 ildän 3 meñnän artıq sportçınıñ Azärbaycanda köç sınaşaçağın belderde. Barlıq qunaqlarnı qabul itärgä äzer buluların häm alarnı sabırsızlıq belän kötülären açıqlağan Aliyev 57 ildän qatnaşunıñ İslam teläktäşlek uyınnarı tarixında rekord buluın citkerde.

2017nçe yılnıñ Azärbaycanda “İslam teläktäşlek yılı” itep iğlan itelüen xäterlätkän Aliyev: “Bu – barlıq möselman illären ber-bersenä tağın da yaqın berläşterü öçen tarafıbızdan yasalğan kereşü. Bügenge köndä möselman illäre berlek häm teläktäşlek êçendä bulırğa tiyeş. Bez Baqıda bar dönyağa İslam dönyasınıñ berlek buluın kürsätäçäkbez. Bezneñ berlegebez köçebezne arttırır,” – dide.

İİslam teläktäşlek uyınnarı simvolınıñ su buluın äytkän Aliyev: “Su – tormış çığanağıdır. Azärbaycan - sixerläwçe tabiği güzälleklär bulğan il. Güzäl küllär, yılğalar, çişmälär, şarlawıqlar, Xäzär diñgezebez bar. Bügen Xäzär diñgeze yarınnan ilebezneñ törle yaqlarına zur säyäxät başlana.”

Çığıştan soñ Aliyev Xäzär diñgezennän alınğan sunı üzläre belän alıp kitüläre öçen Azärbaycannıñ törle töbäklärennän kilgän balalarğa birde. Baqırdan yasalğan su sawıtları ilneñ külläre, yılğaları, çişmälärenä alıp barılaçaq, alardan tutırılğan sular İslam teläktäşlek uyınnarınıñ açılış tantanasına kitäçäk.

Törek hawa yulları Qazanğa oçqıç säfäre sanın arttıra

Törkiyä belän Rusiyä Federaśiyase arasındağı mönäsäbätlärne cayğa salu adımnarı berençe cimeşen turizmda birde.

Rusiyä watandaşları yaqınlaşıp kilüçe sezon belän Törkiyäne qabat 1 nomerlı yal itü urını yasarğa äzerlängändä İstanbulğa bulğan qızıqsınunıñ qabat artuı belän kübräk turist taşu öçen Törek hawa yulları da êşkä kereşte.

Törek hawa yulları İstanbul-Qazan-İstanbul säfärläreneñ sanın arttıra.

Şirkät atnada 3 tapqır çınğa aşırıluçı oçqıç säfärlären 26nçı mart könennän 4kä çığardı, 29nçı maydan başlap 5kä citkeräçäk.

Şul arada vizağa qaramastan Törkiyä watandaşları sanında da artış kötelä.

Törekmänstan däwlät başlığı 12nçe aprel’ könne Qazaqstanğa räsmi säfär yasayaçaq

Qazaqstannıñ tışqı êşlär ministrı Kayrat Abdrahmanov Törekmänstan ilbaşı Gurbanguli Berdimuhammedovnıñ Qazaqstanğa räsmi säfär yasacağın açıqladı.

Qazaq ministr Kayrat Abdrahmanov Qazaqstandağı çit il ilçelärenä ilneñ awıl xucalığı ölkäsendä ğamälgä kertkän programmaların tanıtu cıyılışında tübändägelärne citkerde: “Üzbäkstan däwlät başlığınıñ Qazaqstanğa säfär bik uñışlı buldı. Äle kiçä genä däwlät başlığı Nursultan Nazarbayev Baqığa räsmi säfär belän kitte. Monnan soñ Törekmänstan ilbaşı Qazaqstanğa räsmi säfär yasayaçaq.”

Törekmänstan däwlät başlığı Berdimuhammedovnıñ 12nçe aprel’ könne Qazaqstanğa räsmi säfär yasawı kötelä.