Nogayça 101: Är kün är kün namaz, köp tuvılma? (5)

Bu yuma em “ER KÜN ER KÜN NAMAZ KÖP TUVILMA?” baresinde habarlasamız...

Nogayça 101: Är kün är kün namaz, köp tuvılma? (5)

Nogayça 101: Är kün är kün namaz, köp tuvılma? (5)

Bîr alimdiñ nepsine   

Namaz üşün aytqanına;

Bu yuma tagı em,    

Davam qılamız inşallah!

 

“Yep işkendi köp süygen  

Qursagına düşkün nepsim!

Är kün är kün ötpek yep  

Em de suvdı işersin,

Är dayim em avadı,

Äş turmastan soluysun... 

Onlardan usanasın ma?

 

Nege desen onlarga

Keşe kündüz  är vaqıt

Sav ömrünşe muqtajsın...

Ene sosı sebepten, 

Nav nimetlerdiñ saga 

Art artına qaytqanından,

Usanganıñ süytüp tursın, 

Neşe tedim alasın!

 

Madem so nimetler seni,  

Äş usandırmaydı nepis;

Mine ten üyümde seniñ 

Yuvıq adanasıñ bolgan

Qalbimge bîr gıda,    

Em ruhumga hayat suvı, 

Ziyadası tagı em

Meni Quday’ga baylagan 

İnce yahşı duygumga 

Är dayim kerek bolgan, 

Tatli serin esip turgan 

Sav manevi yellerdi,

Qasına tartaberip 

Alıp kelgen namazdan,

Äşe äş usanılır ma?

 

Ey sabırsız nepsim menim! 

Acaba burungıda

Ötip ketken künlerdeki   

İbadet zorlugını,   

Em namazdıñ qıyınlıgın,

Musibettiñ zahmetini,  

Barı ötip ketkende, 

Bugün em bar bolganday    

Sosınlardan qıynalsañ;

Em keliyek künlerdeki 

İbadet vazipeñdi, 

Em namaz qızmetiñdi,

Musibettiñ dertini,  

Taga onlar kelmeden 

Barı endi yoq ekende

Sankim bugün bolganday    

Sabırsızlıq körsetseñ,

Äş aqılga sıyar ma?

 

Nege deseñ burungıdıñ 

Zahmetleri rahmet bolgan...

Qıynalganı keteberip   

Endi tedimleri kalgan...

Zorlıqları keteberip, 

Baresi sav iqram bolgan...

Maşaqqatı tagı em

Savaplarga avdarılgan...

 

Mine sosı sebepten,  

Usanganıñ süytüp tursun,

Yañı bîr iştaqpan em,  

Tagı taza zavqpınan

İbadetke, namazga,  

Ciddi bolup davamga 

Gayratıñ kerek bolgan...

 

Bîr de keliyek künler em, 

Madem taga kelmegenler...

Şimdiden keliyekteki   

Namaz,ibadetti oylap

Usangan bolsa insan,

Qolın gevşetse müsliman; 

Keliyek künlerdeki     

Aşlıqpan susuzlıqtı,  

Ta bugünden oylap

Aqırıp baqırganday   

Bîr divanelik bolgan...

 

Madem aqıyqat sonday,   

Esiñ basıñda bolsa, 

İbadet baresinde, 

Yalgız nav kündi oyla: 

‘Onuñ bîr saatini, 

Ücreti bek köp artıq, 

Zorlugı da az bolgan,

Köp tedimli, hoş bolgan,     

Ullı bîr qızmatqa 

Garcayman!’ de, nepis!..

 

Ol zaman bilseñ nepsim,    

Saga aşşı kelgen namaz

Ziyadası usanganıñ   

Tatli bîr gayratqa,  

Yengilşe avdarılgan!

 

Mine ey sabırsız nepsim!     

 Saga üş sabır kerek:

Bîrevi tagatıñga,       

Birevi em künalerge,

Ana bîrevi tagı em,     

Musibetke sabır bolgan...

 

Senin esiñ bar bolsa,    

Barı aytılgandı oylap 

Martçe ‘Ya Sabur’ de,    

Allah’tan sabır tile! 

Üş sabırdı iyniñge al...

 

Quday’dıñ saga bergeni     

Sabır quvvatını em

Yañlış yollarga şaşıp        

Dagıtpasan sen nepis,

Barı musibetlerge,

Em qıyınlıqqa yetken...

 

Nav quvvatlar baresine       

Tayanıp ey nepis,

Qazanganıñ quvvatpan      

Barı ibadetke qatlan...”

 

Savlıqpan qalıñız!

 

Dr. Yusuf ALTINIŞIK

E-mail: altinisikyusuf@gmail.com



Bäyläneşle xäbärlär