Ğabdräşit İbrahim häm Sadri Maqsudi

“Törek wä tatar dönyasında” tapşıruı. 08.03.2017

Ğabdräşit İbrahim häm Sadri Maqsudi

Törek wä tatar dönyasında - 241

4nçe Xalıqara Ğabdräşit İbrahim simpoziumı

Törkiyä başqalasında tanılğan tatar säyäsätçese häm din ähele Ğabdräşit İbrahim tormışı, äsärläre häm başqarğan êşçänlege belän iskä alındı.

7nçe mart sişämbe könne Änkara universitetında Tokio mäçete häm qolliyäseneñ 80 yıllığı mönäsäbäte belän ütkärelgän 4nçe Xalıqara Ğabdräşit İbrahim simpoziumın Änkara universitetı qarşındağı Aziya-Tın okeanı êşçänlege ğamäli häm tikşerenü üzäge häm Törek-yapon êşmäkärläre cämğiyäte oyıştırdı.

Törkiyä, Tatarstan häm Yaponiyadan ğalimnär qatnaşqan xalıqara fänni cıyın turında täfsille mäğlümat häm simpoziumğa kilgän qunaqlar belän äñgämäne kiläse yazmabızda täqdim itärbez.

Sadri Maqsudi Arsalnıñ ülemeneñ 60 yıllığı

Tanılğan ğalim häm däwlät êşleklese Sadri Maqsudi ülemeneñ 60 yıllığında İstanbulda iskä alındı.

24nçe fevral’ comğa könne İstanbul universitetında ütkärelgän fänni cıyınnı İstanbul universitetının xoquq fakul’tetı dekanı professor doktor Adäm Sözüär häm Tatarstan Cömhüriyäteneñ Törkiyä wäkile Ayrat Ğataullin açıp cibärde.

Annan soñ Sadri Maqsudineñ onığı Gölnur Üçok “Fotosürätlärdä ordinar professor Sadri Maqsudi Arsal” isemle slayd-şow täqdim itte. Fänni cıyında berençe dokladnı isä  Sadri Maqsudineñ onığı Gönül Pultar yasadı. Sadri Maqsudineñ onığı professor doktor Ali Vahit Turxan da babayı turında mäğlümat birep uzdı.

1917nçe yıldağı İdel-Ural Milli Mäcles häm Milli idarä räise, kürenekle däwlät häm cämäğät êşleklese, fiker iyäse, törki tatar ğalime Sadri Maqsudi Arsalnıñ tormışı häm xezmätläre tanıtılğan fänni cıyında Tatarstannı häm Rusiyä Federaśiyäsen tatar ğalimäse, filologiya fännäre doktorı Älfinä Sibğatullina wäkillek itte.

Älfinä xanım belän telefon êlemtäsen urnaştırıp, Sadri Maqsudine iskä alu çarası turında mäğlümat birüen soradıq.

Tatar ğalimäse Älfinä Sibğatullinanıñ tanılğan ğalim häm däwlät êşleklese Sadri Maqsudi Arsalnıñ ülemeneñ 60 yıllığı mönäsäbäte belän İstanbulda oyıştırılğan fänni cıyın turındağı fikerlären tawış uynatqıçınnan tıñlıy alasız.

Fotosürättä professor Älfinä Sibğatullina xalıqara fänni cıyın öçen kitkän Hindıstanda bulğan çaqta.



Bäyläneşle xäbärlär