Nogayça 90: İbadetke kım muqtaj? (2)

Är bîr adem käinattı, 

Özi bıyalasında körgen...

Är kimdiñ em nav dünyada   

Ayrı dünyası bolgan...

So sebepten insanlardıñ    

Sanınca bu dünyada,

Bîrer dünyaları bolgan...

So dünyalardıñ rengi tagı       

İnsan qalbimen boyangan...

Misal bolsa bîr adem,  

Köp muñayıp yılasa,  

Alemdi muñun körgen.

Eger külüp şad bolsa,     

Är yaqlardı şad körgen...

Tagı oylagan közben 

Ciddi bolup mahluqqa, 

Allah üşün qarasa,

Em de ibadet qılsa,

Maqluqlardıñ ibadetin,

Em şekken tespiklerin

Bîr derece körüp bilgen...

Gapletpen ya inkarman 

İbadet etpegen adem, 

-Yaratılgan zatlardıñ

Qıymat em sıyları 

İbadetpen bolganga- 

İbadetlerin körmey

Sosınlardı qıymatsız,

Bîr yaqtan em sıysız

Bolganlar, dep zannetken:

“Sizin vazipeniz yok! 

Ne ibadet ne zikir,    

Etpey turusunız siz!”

Dep barı maqluktıñ  

Är bîrevinin aqqına    

Kirip haqaret etken...

So mane, az taga          

Aşılsa yahşı bolgan:  

Bilingen bîr akiqat, 

Är bîr zattıñ qıymatı,

Etken vazipemen bolgan...

Misal bolsa bîr adem,

Asker paşası bolsa,

So ademdiñ paşalıgı,

Vazipesinden bolgan. 

Endi sosı paşaga:

“Sening eş vazipen yoq!

Bos bosına turusın!”        

Dep aytılsa sosıga,

Kim aytsa navı sözdi,       

Belli oga ceza kelgen...

Aynı sonday maqluqtıñ   

İbadetini inkar    

Eteberip sonlarga:

“Bos bosına bolgansız,

Vazipesiz turgansız!”

Degen bolsa bîr adem,

Barı yaratılganga,  

Ullı Sultanlar Sultanı, 

Hazreti Hak Allah,

Maqluqlardıñ haqqını 

So ademden almaq üşün,

Onı Yahannem’de yaqsa,    

Ceza oga haq bolgan...

Em namazdı terk qılgan, 

Özi özinin iyyesi  

Bolmagan üşün so,

Yaratuvşı Allah’tıñ   

Qulı bolgan nepsine 

Tagı em zulüm qılgan.

Ene sosı nepsiniñ  

Rabbı bolgan Hak Allah,

Yamanlıqtı emretüvşi

Nepisten özi qulınıñ

Aqqını almaq üşün,  

Qullarını uyargan...

Bîr esas hikmet em 

Yaratgandıñ gayası 

Bolgan sosı ibadetti,

Terk qılganga so nepis,  

İlahi hikmetlerge,   

Em Rabbani emirlerge,

Turgan yerde ası kelgen...       

So sebepten Rab Allah,

İtaatsız so nepiske,  

Tiyisli ceza bergen...

Barı sözdi cıyaberip 

Endi soñını aytsaq;

İbadetti terk qılgan,

Allah’tıñ qulı bolgan 

Özine de zulum qılgan...

Nefsi emmarege uyup  

Vazipeden aqalgan...

Qaysı bîr zat bolsa bolsun     

Vazipesinden qalsa,

Soga üyken zulüm bolgan: 

Qol isler, ayaq yürer...

Qulaq esiter, köz körer...

Sosınlar islerini, 

Etalmay qalsalar, 

Onlarga zulum bolgan...

Aynı sonday nepiske,      

Vazipe ibadet bolgan.

Sonı etalmasa nepis,      

Oga üyken zulüm bolgan...

Em de ibadetti terk,

Käinattıñ oñlıgına,

Maqluqlardıñ aqqına,

Tecavüzben zulüm bolgan...

İnkar qaydey maqluqlardı,     

Kişkey körip tahkir bolsa,

İbadetti terk qılganı,         

Sıylarını inkar bolgan...

Em Quday’dıñ hikmetine,     

Yaratqanı maqsatına,

Tecavüz bolgan üşün          

Dahşetli qorqustuvga,

Em şiddetli yezaga,           

Asılar müstehaq bolgan...

Suştıng üykenligi sebep      

Quran’dıñ köp qorqustqanı

Tagı orınında bolgan...

Savlıqpan qalıñız!

Dr. Yusuf ALTINIŞIK

E-mail: altinisikyusuf@gmail.com