Törek xalqı demokratiyane qotqardı

Uzğan könnӓrdӓ Berlӓşkӓn Millӓtlӓr Oyışmasınıň Qaçaqlar oçraşuında Törkiyӓ Cömhüriyӓte ilbaşı xörmӓtle Rӓcӓp Tayyip Ӓrdoğannıň çığışı BMO hӓm keşelek öçen yaňa çor buldı. Xörmӓtle Ӓrdoğannıň çığışına iğtibar belӓn küz salsaq, keşelekneň dönyadağı xaqsız hӓm köçlelӓr yaqlı bulğan totışına rizasızlıq belderüeder. Şul uq waqıtta BMOnıň yaňadan qorıluı hӓm oyışma tüşӓme astında yasalğan wӓkillek xaqsızlığın beterüneň mӓcbüri buluın açıqladı.

Ӓrdoğan monnan alda da yӓnӓ BMO tüşӓme astında ӓytkӓn “Dönya 5tӓn zurraq” süze bar dönyanı ӓz dӓ bulsa, xӓrӓkӓtlӓnderep cibӓrde. Ul tarixi süzdӓn soň dönyanın şaqtıy ilendӓ BMOnıň legal’lege hӓm ğadӓlӓt anlayışı tikşerelde. Bu tikşerülӓr barı tik sӓyӓsӓtçelӓr dӓrӓcӓsendӓ genӓ bulmadı. Zıyalılar, jurnalistlar hӓm yazuçılar bu mӓs’ӓlӓdӓ qaraşların citkerep, Ӓrdoğannıň “Dönya 5tӓn zurraq” süzen xupladılar. Xörmӓtle Ӓrdoğan uzğan könne tağın da üzgӓ lider bularaq BMO Ğomüm Şurasına mörӓcӓğat itte. 15nçe iyul’ könge FETÖ başqarğan tüntӓreleş kereşüennӓn soň dönyada bernindi lider kürmӓgӓn xalıq xuplawın alğan lider bularaq BMO mömbӓrenӓ çıqtı. Şunıň öçen Ğomüm şuradağı dӓwlӓt hӓm xökümӓt başlıqları iğtibar belӓn Törkiyӓ ilbaşın tıňlağan hӓm anıň ayıruça BMOnıň citӓrsez hӓm ğadelsez qorılış buluın ӓytüen alqışlağan.

Törek liderı Ӓrdoğannıň BMO Ğomüm şurasında yasağan çığışında miňa kürӓ iň yaňa hӓm iň möhim fiker - soňğı waqıtta barlıqqa kilgӓn terror oyışması ide.

Törkiyӓ ilbaşı FETÖ terror oyışmasınıň dönyada 170 ildӓ ireşkӓn köç hӓm qurqınıçqa iğtibar cӓlep itkӓndӓ bu terror oyışmasınıň klassik oyışmalardan ayırmalı buluın, keşelӓrneň universal’ qimmӓt xökemen qullanıp, cӓmğiyӓtlӓrne aldawın citkerde.

Ӓl Kaidӓ, PKK, DEAŞ, Serb terrorçıları hӓm Tamil kaplannarı belӓn ber rӓttӓn şaqtıy terror oyışmasın yaqınnan küzӓtü mömkinlegem buldı. Terror oyışmalarınıň ğamӓl hӓm êşçӓnlek metodlarına küz salsaq, barısı da qorılış, qorallı propaganda hӓm terror höcümnӓre yağınnan ber-bersenӓ oxşağan.

Mӓsӓlӓn, ber serb terrorçısı öçen höcüm oyıştırılaçaq urında tınıç xalıq, olı yӓştӓgelӓr, balalar hӓm xatın-qızlarnıň buluı ber dӓ möhim tügel. Bu açı tӓcribӓne 1993nçe yılğı Bosniya suğışında kiçerdek. Serb terrorçıları ayıruça bala-çağa hӓm xatın-qızlarnı qorallı, bombalı höcümnӓrneň maqsatına ӓylӓnderӓ ide.

Şul uq ısul “DEAŞ” terror oyışması yӓisӓ Boko Haram kebek terror oyışmaları tarafınnan da qullanıla. Ӓl Kaidӓneň Mӓydan Vardak yӓisӓ Qabuldağı ber bazar urınına bomba quyuı yӓisӓ “DEAŞ” terror oyışmasınıň Süriyӓdӓ, Ğiraqta keşelӓr ğibadӓt qılğanda cӓmiğnı bombalawı şul uq ısuldır. Maqsat – terrorçılıqnı cӓyü. Qısqası, zamança mӓgnӓdӓ ber terror oyışması bularaq atala alınuçı Haşhaşi (Assasin) terror oyışmasınnan bügengӓ qadӓr barlıq terror oyışmaları qorallı propagandanı ısul bularaq üzlӓşterde.

Lӓkin Ӓrdoğan “Yaňa buın terror oyışması” dip atağan FETÖ terror oyışması bik ayırmalı ısullar qullana. Bu oyışmanıň propaganda ısulı keşelӓrneň izge qimmӓtlӓre, ӓxlaq, ruxıy qimmӓtlӓr kebek cӓmğiyӓtlӓrneň moral’ qimmӓtlӓren qullanu rӓweşendӓ. Hӓm dönyanıň barlıq cӓmğiyӓtlӓrennӓn, mӓcüsilektӓn alıp deist keşesenӓ yӓisӓ cӓmğiyӓtlӓrgӓ qadӓr izge qimmӓtlӓr hӓm alarnı üzenӓ maqsat itep quyğan keşelӓrgӓ ayırım xörmӓt kürsӓtelӓ.

Şizofreniya diagnozı quyılğan hӓm Törkiyӓdӓ 1960nçı yıllarnıň azaqlarında psixiatriya klinikalarında dӓwalanğan hӓm xӓzerge waqıtta Amerika Quşma Ştatlarında Green kartoçkası belӓn yӓşӓwçe Yaňa buın terrorçılığın çığarğan Fӓtullah Gülӓnneň ısulı bam-başqadır. FETÖ liderı Gülӓn AQŞtan citӓklӓgӓn oyışmasın xalıq massaları arasında tügel, ӓ dӓwlӓt, byurokratiya hӓm kapital sıynıfları arasında aktiv qılırğa tırışa. Hӓm êşçӓnlek argumentlarınıň barısı da legal’ hӓm grajdan ısullardır. Mӓsӓlӓn, çirkӓwlӓrdӓ dini cıyınnarda qatnaşa. Möselmannarnıň bӓyrӓmnӓren oyıştıra. Yӓisӓ dinnӓr hӓm mӓdӓniyӓtlӓrara dialog kebek zamança dönya telagӓn bu tınıçlıq alanında ber missioner, ber monah kebek wazifa başqara. Isulları barısı da ğayepsezder. Kölӓç yözleder.

Lӓkin şunısı ğacӓp, berkem dӓ bu oyışmanıň ӓğzalӓrenӓ tübӓndӓge sorawnı birmi: “Ӓxlaq hӓm ruxıy qimmӓtlӓrne maqsat itüçe oyışma bulğaç, ni öçen ӓğzalӓregezne dӓwlӓtneň armiya, xökem itü organnarı, iminlek, küzӓtü hӓm diplomatiya oyışmaları belӓn ber rӓttӓn hӓr oyışmasına kertergӓ hӓm anda xökem sörergӓ tırışasız?” Yaňa buın terror oyışması bulğan FETÖnıň massifikaŝiya urınına kadr xӓrӓkӓte bulunı saylawı çınlıqta barlıq keşelekneň urtaq zıyanıdır. Çönki üzenӓ maqsat itep quyğan köçkӓ ireşkӓç xökem itü, poliŝiya, küzlӓw, armiyağa urnaştırğan barlıq ӓğzalӓren êşkӓ kereşterep, qanlı qorallı tüntӓreleş kereşüen başqarır.

FETÖ terror oyışmasınıň böyek dӓwlӓtne qulğa töşerü operaŝiyasendӓ ayıruça iminlek byurokratiyasendӓ san yağınnan östenlek tӓêmin itelgӓç, ciröste, hawa hӓm diňgez qoralların qullanıp, dӓwlӓtneň möstӓqillegen qulğa töşerergӓ tırışa. Monıň berençe ürnӓgen bik açı rӓweştӓ Törkiyӓdӓ kiçerdek. FETÖ terror oyışması Törkiyӓ watandaşların, parlament hӓm İlbaşı idarӓse kölliyӓten oçqıç, boralaq, tank hӓm köbӓle transport çaraları belӓn bombalap, dӓwlӓtne qulğa töşerergӓ tırıştı. Törek xalqı iradӓsen yaqlap, bu tüntӓreleşne çigendermӓgӓn bulsa, bügenge köndӓ şaqtıy ildӓ tüntӓreleş kereşüe yasalğan bulır ide. Bu iskitkeç hӓm qıyu torışı belӓn töreklӓr dönya demokratiyasen şizofreniyadan dӓwalanuçı Amerikadağı böyek terrorçı Fӓtullah Gülӓn qurqınıçınnan ӓz dӓ bulsa, qotqardı. Lӓkin dönya illӓre töreklӓrne bu körӓştӓ yalğız qaldırsalar, üz il işeklӓren bu oyışmanıň qorallı höcümenӓ açarlar.